De acordo coa RESOLUCIÓN do 20 de setembro de 2021, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos (DOG do 29 de setembro) no mes de novembro convocaranse elccións para a renovación dos  consellos escolares dos centros docentes de Galicia sostidos con fondos públicos. As eleccións teñen por obxecto cubrir as prazas que queden vacantes dentro do Consello Escolar, que no caso do IES Rego de Trabe son as seguintes:

• 3 representantes do profesorado
• 3 representantes do alumnado
• 1 representante do persoal de administración e servicios
• 1 representante das familias

NOMEAMENTO DA XUNTA ELECTORAL:

A xunta electoral velará polo cumprimento da legalidade dos comicios e estará composta polos seguintes membros:

• a directora
• 1 docente elixido por sorteo público
• 1 pai/nai ou titor(a) legal elixido/a por sorteo público
• 1 alumno/a elixido/a por sorteo público
• 1 membro do persoal de administración e servicios elixido por sorto público

CALENDARIO do proceso, aprobado pola Xunta Electoral na reunión celebrada o 3 de novembro de 2021.

Os resultados das votacións para a renovación parcial do Consello Escolar dos diferentes sectores da comunidade educativa do IES Rego de Trabe están publicados no taboleiro da entrada do edificio principal. Hai de prazo ata mañá para elevar reclamacións.