Tivemos esta maña a visita do escritor de literatura xuvenil, Fernando Lalana, que recibiu, o pasado mes de outubro das mans da princesa Letizia, o Premio Cervantes Chico 2010 - o Cervantes da Literatura Xuvenil - . (Noticia en RTVE)
Este venres 18 de marzo, a biblioteca do IES Perdouro recibiu a visita do escritor aragonés Fernando Lalana. Moitos dos alumnos do centro puideron ler algunhas das súas fantásticas obras. Lalana xa visitara o IES Perdouro anteriormente e coma sempre recibiunos cun gran sorriso e respostas a todas as preguntas do alumnado presente no encontro.
Nesta visita acudiron os alumnos de 3º da ESO coa súa profesora de Lingua Castelá, Maria Dolores Reimunde, e o alumnado do clube de lectura, moderado pola profesora Juana Bernárdez do Departamento de Lingua Castelá.
O autor fixo unha pequena introdución tratando os aspectos máis relevantes do seu libro de intriga El Ultimo Muerto. Explicou que se trata do cuarto e último libro da Saga de Fermín Escartín, un peculiar e desastroso detective privado. A continuación iniciouse unha rolda de preguntas. Comentou cuestións en canto á elección do título da obra así como da súa portada. Os alumnos e alumnas aproveitaron esta oportunidade para facerlle preguntas sobre a vida que leva a diario un escritor, a súa formación, a narración, sobre os seus personaxes entre outras moitas cuestións polas que os rapaces tiñan curiosidade.
Para finalizar a su visita, Lalana asinou os libros do alumnado moi agradecido e satisfeito coa colaboración que mostraron os alumnos e alumnas do IES Perdouro.
