O pasado día 29 de xaneiro alumnado do IES PEDRA DA AUGA, visitaron os museos da Coruña, pasaron un gran día na cidade herculina.

Museos Coruña on PhotoPeach

Alumnos de Fisica e Química e de Cultura científica estiveron nas interesantes charlas que estivo impartendo no centro Benito Vázquez Dorrío, profesor de física Aplicada na ETSE de Minas e Enerxía da Universidade de Vigo e Embaxador para España da Rede Europea Científica SCIENTIX. Explicou  as propiedades da luz con exemplos  para entender a técnica de medida con láser (interferometría) da que es especialista.

Preme na imaxe para acceder á galería.

Neste enlace podes participar nunha enquisa sobre dita actividade.

A primeira edición da “Semana das Ciencias” finalizou coa participación dos centros educativos de Ponteareas nos stands dos futuros investigadores.
Alumnos e alumnas do noso centro acompañados polos profesores: Carmen Sánchez, Rosa Casero e Xabier Prado, organizaron  distintos  xogos e experimentos  de física, química e matemáticas:

No marco da Semana da Ciencia de Ponteareas, os alumnos de 1º de Bacharelato Científico Angel Barral e Patricia López, xunto co seu profesor de Física e Química, Xabier Prado, presentaron a propiedade relativista da velocidade límite ante o público asistente ao Punto Científico realizado nos Xardíns da Xiralda, diante do Concello de Ponteareas, o sábado 23 de abril de 2016.

Máis información nesta páxina.

Co obxectivo de intercambiar experiencias e espertar o interese pola ciencia, o departamento de física e química organizou un "Obradoiro de divulgación científica" no que tivemos a sorte de contar coa presenza de Benito Vázquez Dorrío, profesor do departamento de física aplicada na ETSE de Minas da Universidade de Vigo.

Os alumnos e alumnas de 4ºESO e 1º BACHARELATO amosaron os conceptos aprendidos realizando distintos experimentos.

Preme na imaxe para acceder á galería.

Como en anteriores edicións, o IES Pedra da Auga estivo presente no “VI Encontro Galego das Escolas Asociadas á UNESCO” celebrado os días 25 e 26 de febreiro en Pontevedra.

Baixo o lema “Identidade, Cultura e Diálogo”, alumnos e alumnas de oito centros galegos traballaron en distintos obradoiros: Relatividade, Mediación, Atlántico, Patrimonio e Presentación de traballos desenvolvidos nos comités. Todos eles cun obxectivo común: promover valores como a educación para a cooperación e a paz, o traballo en equipo e o respecto ao medio ambiente.

O noso centro estivo representado por dous profesores: Xabier Prado e Ignacio Iriondo, e 22 alumnos e alumnas de 1ºESO e 1ºBACHARELATO que ademais de participar en todos os obradoiros, foron os encargados de conducir o “Obradoiro de Relatividade “.

Preme na imaxe para acceder á galería.

O sábado 5 de decembro, o profesor Xabier Prado e algúns dos seus alumnos de 2º de Bacharelato, representaron ao IES Pedra da Auga na Feira das Industrias Culturais “CULTURGAL” celebrada en Pontevedra.

Preme na imaxe para acceder á galería

Temos boas novas!

O 16 e 17 de outubro, Xabier Prado, profesor de Fisica e Química no noso centro, acudiu a XVI edición do certame científico “Ciencia en Acción” en Viladecans para recoller dous premios por traballos realizados durante o curso 2014-2015 cos seus alumnos e alumnas de 1º de bacharelato.

O certame é unha iniciativa que trata de acercar a ciencia  dunha maneira atractiva  ao público a través de conferencias, concursos e compartindo distintas experiencias. Preme na imaxe para acceder á información.

Un par de alumnos que cursaron 1º de Bacharelato Cientifico foron entrevistados pola Radio Galega o día 2 de Setembro no programa "A Tarde" das 17:43 ás 18h (a entrevista, dun cuarto de hora, pódese escoitar directamente neste PodCast (a partir do minuto 43:30).