Skip to Content

Actividades

Martes de estrela

Mér, 17/10/2018 - 23:26

Onte o tempo acompañou, e puidemos levar a cabo a observación astronómica. A xornada comezou cun entretido kahoot sobre a temática, tralo cal demos inicio á actividade tan esperada pola rapazada de 1ºESO: a observación da Lúa, Saturno, Marte e outros astros, como unha estrela dobre e un cúmulo estelar.

Exposición de modelos celulares

Sáb, 24/03/2018 - 21:45
 

Como colofón de trimestre, a rapazada de 1ºESO pon a proba a súa creatividade e demostra o aprendido sobre as células nesta avaliación. Gran traballo por equipos, parabéns a estes cativos e cativas! Esperemos que en 3ºESO lembren todavía o nome dalgún orgánulo...

Preme aquí para ver as fotos de tódalas maquetas!

Onte vimos estrelas!

Mar, 24/10/2017 - 08:43

Onte celebramos unha "Xornada Astronómica" para o alumnado de 1ºESO no noso insti, que comezou coa representación teatral da obra O noso sistema solar, a cargo dun grupo de rapaces/as de 1ºA e 1ºB. Logo de participar nun divertido kahoot sobre a temática do día, os alumnos/as asistiron a unha sesión de cine, co visionado da película Marte (The Martian).

Unha científica real

Mar, 15/12/2015 - 01:30

Para demostrar que existe e que estudar pode ser un traballo duro, pero agradable e frutífero, tivemos con nós durante unha horiña (que se fixo curta) á nosa científica particular (como a chamamos en 1º da ESO).

Alba Aguión falounos dela, dos seus estudos e traballos, da diferenza entre Ártico e Antártico, de como os osos son perigosos se teñen fame ou coidan crías, de como o inglés abre moitas portas para “saír por aí”... en fin, deunos un repaso á súa vida (tamén curtiña, polo de agora!).

Museo de Historia Natural da USC

Dom, 31/05/2015 - 18:50

Aí vos vai un pequeno resumo da visita dos de 1º ao Museo de Historia Natural de Santiago.

O 12 de maio demos un  paseo guiado por un excelente guía que nos foi mergullando nese aspecto da natureza tan pouco entendible pero moi necesariamente defendible: a biodiversidade. Un alumnado moi disposto a escoitar as indicacións e moi curioso ante algo que lles parecía novo, pero que xa teñen diante no seu día a día: o iguales e diferentes que somos os habitantes do noso instituto. E o necesario que é protexer esa diversidade!.

Marisqueo en O Ariño

Lun, 17/11/2014 - 23:10

Aquí vos deixamos un resumo da xornada do pasado mércores 29 de outubro, escrito pola alumna Carla Valiña Lema:

Onte fomos de excursión á praia de “O Ariño”. Fomos ver unha charla sobre marisqueo. Explicáronnos varias cousas: como collían os berberechos, as ameixas, cando se pode coller o marisco, cantas toxinas hai, etc.

Despois fomos pola praia para que nos ensinaran como se collía o marisco. Mentres que nos entretiñamos na area, unha das mariscadoras puxo o seu traxe de traballo e foi ata unha boia, que era onde se encontraban os berberechos.

Cando rematou, puxémonos a sacar unha foto de grupo e voltamos á escola.

Distribuir contido


by Dr. Radut