Informática

O proxecto de consolidación da internacionalización dos ciclos de formación profesional impartidos no centro, vén de ser aprobado dentro do programa Erasmus+.

Con este novo proxecto, que abrangue de xaneiro de 2017 ata xuño do 2018, alumnado do ciclo de FP de grao medio de Sistemas Microinformáticos e Redes e FP básica de Informática de Oficina, realizará prácticas en empresas da República Checa (Praga), Irlanda (Cork) e Portugal (Braga), á vez que tres profesores do Departamento de Informática realizarán estadías en empresas na República Checa e Irlanda.

Na páxina web de Erasmus+ pódese ver a información deste proxecto, dotado cunha contía total de 24.533€ de fondos da Unión Europea.

Víctor Estévez, ex-alumno do ciclo formativo de grao medio de Sistemas Microinformáticos e Redes, que actualmente cursa o ciclo de grao superior de Desenvolvemento de Aplicacións Multiplataforma no IES de Teis, foi seleccionado polo SEPIE como o mellor testimonio nacional do programa Erasmus+ pola mobilidade realizada no curso pasado co noso centro nas prácticas do ciclo.

O alumnado de FPB y 1º CM participa o venres 9 de decembro na hora do código que se celebra a nivel mundial. É un movemento global que chega a decenas de millóns de estudantes en máis de 180 países.