Coma en anos anteriores o noso departamento
solicita a súa participación no PLAN PROXECTA.
Este programa, da Consellería de Educación, traballa no ámbito da innovación educativa e ten moitas vertentes, no noso caso, tratamos de orientar ao alumnado en proxectos de vida activa e saudable.
Así, entre outras accións, utilizamos a plataforma DAFIS para obter datos da condición física (relacionada coa saúde) do alumnado e con eles ofrecer asesoramento para o mantenemento ou mellora desa condición física. Buscamos, tamén que o alumnado coñeza o tecido deportivo da nosa contorna, ben sexa con charlas ou con actividades propostas por clubes, persoas, empresas ou diversas organizacións.
En definitiva: tentamos que a actividade físico-deportiva sexa un pilar básico na vida do alumnado
Para máis información pincha no seguinte LINK que te levará á páxina web do departamento de EF do IES María Sarmiento
OUTRAS NOVAS DO DEPARTAMENTO
Por segundo ano consecutivo tivemos a gran sorte de contar co noso ex-alumno Álex González, que na actualidade é campión galego de ciclismo adaptado e participou no campionato de España desta modalidade. A actividade estaba dirixida ao alumnado de primeiro de bacharelato
Así, o luns, 3 de outubro, Álex González, acompañado de Tania Monteagudo, a súa adestradora, (graduada en ciencias da actividade física e deporte e tamén ex-alumna do noso centro) contáronnos o que é adestrar nesta modalidade dende o punto de vista de cada un deles.
Álex explicou como o deporte sempre foi un referente na súa vida, tanto antes coma despois do accidente, e Tania falou da importancia de que todas as persoas, independentemente das súas características, teñan acceso á práctica deportiva. Para isto, contan co apoio do proxecto ENKI que busca un mundo mellor a través do deporte.
O martes, 4 de outubro, o alumnado xunto con Álex disfrutaron dun pequeno percorrido en bicicleta polo paseo de Covas. Vimos como é unha bicicleta adaptada e como é importante respetar os espazos de aparcamento destinados a persoas con movilidade diversa. Non é doado, baixar do coche, montar na cadeira, baixar a bicicleta e montar nela volvendo a cadeira ao coche, sen o espazo suficiente para facelo… Tamén vimos como é unha “handbike” e a velocidade que colle…
