365 días de respecto e igualdade

Galeano segue cativando, especialmente a cativos de 11-12 anos que pertencen a estas novas xeracións ás que "non lles gusta ler". Todas e todos, sen excepción, descubriron o fascinante que é que che transporten, en poucas liñas, a outra época, outros mundos, sentindo e sabendo que as persoas das que che fala poderías ser ti ou alguén próximo a ti. 

Alumnas de 2º de BAC da materia de Psicoloxía elaboraron unha solicitude á Consellaría de Educación relacionada co estándar B27 da materia, ao consideraren que resultou ser un amparo para a xustificación do sexismo científico desde o currículo da materia. Adxuntamos a reclamación presentada - asinada por todo o alumnado da materia- como exemplo de espítitu crítico e gafas violetas das nosas alumnas.

Por seguna vez temos no noso centro a exposición elaborada pola Subdirección Xeral de Promoción da Igualdade coa vida e obra das científicas galegas gañadoras do Premio María Josefa Wonenburguer Planells.

Na Semana Cultural deste ano decidimos traer ao noso centro a experiencia presentada por Carmen Ruíz Repullo na investigación “La violencia sexual en adolescentes de Granada”. Realizamos o cuestionario anónimo e unha posta en común sobre os resultados do mesmo coa primeira xeración do IES Fontexería formada en igualdade desde 1º ESO.

O alumnado de 3º ESO participou na charla coloquio sobre violencia na música "Escoita o meu son: Quen dixo medo?", organizada pola Deputación da Coruña, dentro das actividades programadas desde o  centro no proxecto de Igualdade. A escolma das letras presentadas foi moi acaída, xa que o alumnado coñecía todas elas, pero non se cuestionara as implicacións sociais e psicolóxicas das letras das mesmas (aínda que identificaran o sexismo explícito).