Equipo directivo

As persoas pertencentes ao colectivo LGTBI+ poden vivir diferentes situacións discriminatorias, aumentando o nivel segundo o descoñecemento sobre o colectivo concreto.  A sociedade e cada nivel social ten construído un imaxinario colectivo baseado en prexuízos e estereotipos sobre os diferentes exemplos de diversidade afectivo-sexual. Isto provoca que haxa que facer de maneira obrigatoria un esforzo especial por visibilizar as diversas identidades, formas de ser e orientacións sexuais que foron tachadas como minoritarias ou “non normativas”, posto que o nivel de aceptación non está de todo asegurado na nosa sociedade. 

De aí que a educación sexa un instrumento de empoderamento fundamental, xa que servirá para construír a cidadanía do futuro, sendo a vía para a toma de conciencia das discriminacións que existen. Por tanto, queda claro que unha das necesidades da diversidade no camiño á aceptación de todos os modelos é, dalgunha maneira, traballar a súa visibilidade 

Por este motivo, faise indispensable integrar a diversidade afectivo-sexual e familiar na realidade diaria do alumnado, espertar a conciencia da súa existencia e tratala desde o respecto e a convivencia pacifica.

Por iso coa CHARLA que hoxe tivemos no INSTITUTO buscamos sensibilizar, formar e impulsar a colaboración activa da comunidade educativa no coñecemento, visibilización e valoración da diversidade afectivo-sexual para a mellora da convivencia, a prevención da LGTBIfobia e a promoción da igualdade de oportunidades e a equidade para todo o alumnado.

Grazas a CRISTINA PALACIOS CASTRO, presidenta de ARELAS, por facer desta xornada una formación dinámica, participativa e na que se deu visibilidade a diversidade afectiva-sexual e a LGTBIfobia, fomentando a valoración das persoas, o dereito á diferencia e ás relacións respectuosas e saudables fóra de homofobia, lesbofobia e transfobia na contorna educativa. E na que ademais puxo  o corazón. 

Agora toca remover conciencias e reflexionar sobre o aprendido. 

O venres visitounos Zoe Prieto, dinamizadora xuvenil da RGDX para informar aos correspentes xuvenís dalgúns dos programas existentes, tales como carné xove, xuventude crea ... e puideron trasladarlle, eles e elas, as súas dúbidas e suxestións 

Dende este venres, 25 de xaneiro, os correspondentes xuvenís do IES do Camiño xa teñen o seu carné xove gratuíto polo traballo que realizan semana tras semana. Así que xa poden empezar a obter descontos e vantaxes das entidades colaboradoras en Galicia, no resto das comunidades autónomas españolas e nos 40  países europeos adheridos ao programa do Carné Xove, agás excepcións propias de cada comunidade ou país.

Hoxe, xoves 23 de xaneiro, contamos con Ramón Peña, formador da Garda Civil, que impartiu unha charla sobre “Novas tecnoloxías e novas adicións”, ao alumnado de 1º e 2º da ESO, dentro do marco do Plan Director para a mellora da convivencia nos centros educativos, onde aprendemos sobre como xestionar a nosa identidade dixital en redes sociais e seguridade.

O martes 21 de xaneiro o alumnado de 4º da ESO, 2º de FP Básica e 2º de Bacharelato visitou os centros integrados de formación profesional de Lugo: CIFP As Mercedes e CIFP Politécnico ademais de ir ao IES Sanxillao, onde os alumnos/as da familia de hostalería nos deleitaron co xantar elaborado e servido por eles e elas. 

O programa “Referentes Galegas nas Aulas” achegounos a mulleres que son referentes en diferentes sectores profesionais, deste xeito,  as alumnas e alumnos de 3º e 4º da ESO puideron comprobar como desenvolven o seu traballo e como son profesionais  de éxito no seu ámbito laboral, ademais de servirlles de exemplo aos que seguir e poñer de manifesto que non existe ningún ámbito labo

O 25 de novembro, as alumnas e alumnos do instituto, puideron ver a obra teatral “Golpes” interpretada pola actriz Estibaliz Veiga. Esta obra teatral narra a historia de Pamela que é unha moza que ven de sufrir violencia machista despois de  namorar crendo nos postulados do amor romántico. 

Como cada ano no IES do Camiño dicimos:

• "NON AS VIOLENCIAS QUE SE EXERCEN SOBRE AS MULLERES" 

Hoxe contamos no centro con Abraham Cupeiro, construtor e multiinstrumentista, caracterizándose pola recuperación de instrumentos perdidos no tempo e de utilizalos para crear novas  sonoridades e imbricarlos en músicas alleas a eles.

A continuación podedes consultar os extractos ou as programacións didácticas dos distintos departamentos do IES do Camiño. De todos os xeitos as programacións completas están dispoñibles para a súa consulta no centro educativo, co fin de que calquera membro da comunidade educativa poda acceder ás mesmas: