Na procura dos libros prohibidos
Nas últimas semanas de decembro e nas primeiras de xaneiro, ata o martes día 15, desenvolvemos na biblioteca varias sesións desta actividade encamiñada a que os alumnos atopen un libro oculto. Desvélase a identidade do seu autor trala resolución dunha serie de pistas para a que cómpre facer unha busca eficiente de información nos ordenadores.
Tratando de mesturar diversión e formación, levamos a cabo esta actividade co alumnado de 2º de ESO, con desigual interese, pero sempre útil para se decataren da importancia da lectura axeitada dos enunciados propostos para a resolución das pistas… igual que cando teñen que resolver preguntas nun exame de calquera materia!!
O resultado, sempre satisfactorio.
Parabéns aos que lograron atopar o libro correspondente, e tamén aos que o intentaron ata o final.