Inglés

Hoxe regresan a Gondomar os dezanove alumnos e alumnas de 2ºBach que estiveron nesta última semana participando no intercambio con Dinamarca que organiza o departamento de Inglés. Aproveitaron estes últimos días para visitar o Aros, museo de arte contemporánea de Århus, onde realizaron un dos obradoiros do museo, e a cidade de Copenhague.

Os alumnos e alumnas de 2ºBach que se atopan estes días en Dinamarca participando no intercambio co Viby Gymnasium están a desfrutar de diferentes actividades: traballo en grupos, convivencia coas familias, xogos e algunhas excursións e visitas, como a que lles permitiu coñecer a cidade de Aarhus e a Den Gamle By, ou Cidade Vella, un museo ao aire libre con máis de setenta edificios históricos. Unha experiencia estupenda!

Os alumnos e alumnas de 2ºBach que se atopan estes días en Dinamarca participando no intercambio co Viby Gymnasium están a desfrutar de diferentes actividades: traballo en grupos, convivencia coas familias, xogos e algunhas excursións e visitas, como a que lles permitiu coñecer a cidade de Aarhus e a Den Gamle By, ou Cidade Vella, un museo ao aire libre con máis de setenta edificios históricos. Unha experiencia estupenda!

Xa temos gañadoras e gañadores do concurso de cabazas que organizou o departamento de Inglés. No primeiro premio produciuse un empate entre Lara Rial Costas, de 1°ESO-B, e Iván Rial Pérez, de 2°ESO-B. O segundo premio foi para Nerea Gándara Prado, de 1°ESO-A. No terceiro posto quedou a proposta conxunta de Andrea Vericat e Lucía González, de 1°ESO-A, e o cuarto premio foi para Bruno Patrone Freiría, de 1°ESO-A. Moitos parabéns a todos os premiados e premiadas e moitas grazas a todo o alumnado que participou traendo as súas cabazas.

Xa comezaron a chegar ao instituto as primeiras cabazas que van participar no concurso de Halloween / Samaín que organiza o departamento de Inglés coa colaboración do departamento de Plástica. Tedes ata o mércores 31 para traer as vosas propostas e entrar no concurso. A entrega de  premios celebrarase ese mesmo día no recreo, así que, xa sabedes, poñede a andar a vosa creatividade e sorprendédenos coas vosas cabazas.