Radio escolar

AS NENAS E OS NENOS DO BARREIRO VOS CONVIDAN A ADIVIÑAR DE QUÉ ANDAN A FALAR. ESTA VEZ, PROCURAMOS UN LUGAR, UN LUGAR AO QUE TODAS E

TODOS ESTADES INVITADOS. POÑEDE MOITA ATENCIÓN E, XA SABEDES, DEIXADE AS VOSAS RESPOSTAS NO TABOLEIRO DA AULA.

XA CHEGA A RESPOSTA A NOSA SEGUNDA ADIVIÑA! MOITAS GRAZAS POR PARTICIPAR FAMILIAS!

A NOSA GAÑADORA FOI... PILI, A NAI DE MARIO E VALENTÍN QUE LEVAN O NOSO AGASALLO PARA CASA.

 PRONTO UNHA NOVA ADIVIÑA ESTARÁ DISPOÑIBLE, NON VOLA PERDADES!

SEGUIMOS CO NOSO XOGO E VOS TRAEMOS UNHA NOVA ADIVIÑA, SERÁS QUÉN DE DESCUBRIR DE QUÉ ESTAMOS A FALAR?

SE CRES QUE SABES A RESPOSTA DEIXA UNHA NOTA CO TEU NOME NO TABOLEIRO DE CORTIZA DA ESCOLA. ENTRE OS ACERTANTES SORTEAREMOS UN NOVO IMÁN!

GRACIÑAS POR PARTICIPAR NO NOSO XOGO! VELAQUÍ UN NOVO PROGRAMA, NESTE CASO, PARA SOLUCIONAR A NOSA ADIVIÑA E FACER O SORTEO DO NOSO PREMIO.

Radio AraOnda · SOLUCIÓN Á ADIVIÑA 1

Despois de moito traballo ao longo de todo o curso coñecendo as características dos debuxos animados, descubrindo cómo se fan e converténdonos en creadores, chega o momento do gran estreno. O venres 31 de maio estréase no auditorio de Salceda a película creada polos nenos e nenas do CRA. Para que ninguén esqueza a data, creamos unhas cuñas publicitarias. Queredes escoitalas? Velaquí están!

Ao final da publicación podedes descargalas.

Co gallo da celebración do Día de Rosalía de Castro o 23 de febreiro, o equipo de Biblioteca e o Equipo de Dinamización da Lingua Galega organizaron unha actividade para que o alumnado puidera coñecer o novo espazo da Radio AraOnda, ter unha primeira toma de contacto cos micrófonos, os cascos, os altofalantes...ademáis graváronse recitando o poema "Adios ríos, adios fontes" da poetisa galega. Unha actividade que desfrutaron moitísimo, como podedes comprobar pinchando na seguinte imaxe.

Presentámosvos unha nova entrega do noso podcast. Co tempo de nadal chega o "Capítulo 2: Papá Noel, os Reis Magos e o telescopio para vixiar aos nenos bos" unha reflexión sobre os misterios do Nadal, as súas personaxes e o seu sistema para decidir quen leva agasallos e quen non. Desfrutádeo!

As conversas de aula son algo dinámico, divertido, no que se abordan temas diversos e no que cada quen aporta o que lle apetece respecto do que se estaba a falar ou comeza unha nova cuestión. Son momentos de aprendizaxe porque expresamos o que nos ocorre, o que pensamos, o que sentimos; porque temos que aprender a escoitar e a respectar a quenda de quen fala; porque podemos aprender sobre o foco de conversación ou porque podemos xerar ganas de aprender. 

En moitas ocasións, esas conversas son tan ricas que tivemos unha idea, empregar as posibilidades que nos ofrece a radio gravándoas e compartíndoas.

Así xurde este pequeno proxecto: unha serie de podcasts no que escoitaredes a un grupo de nenos e as nenas conversar sobre temas moi diversos. 

O propósito do mesmo: expresarnos, falar, gravarnos, escoitarnos, descubrir cómo se nos oe e cómo podemos facer para que se nos entenda mellor, presentar aos demais as nosas dúbidas e abrir ás portas da aula a quen nos quera axudar a comprender aquilo que non sabemos.

Velaquí está o noso primeiro capítulo no que reflexionamos sobre a cuestión: de onde veñen os nenos? 

Desfrutádeo!