Nalgunhas ocasións danse os ingredientes necesarios para que acontezan cousas marabillosas. Isto foi o que ocorreu este curso nas aulas de terceiro de Educación Primaria do CPI Progreso de Catoira.
Ao son dos temas do grupo Shinova comezaban todos os días as súas labores escolares e pouco a pouco fóronse convertindo nun dos grupos das súas vidas.
Isto foi tan motivador para eles, que decidiron facer un vídeo dunha das súas cancións estrela do seu último álbum "La buena suerte", en homenaxe a dito grupo.
O vídeo conta con centos de visitas e pódese visualizar na plataforma de Youtube.
O día 15 de xullo Shinova actuará no Atlantic Fest de Vilagarcía de Arousa, evento ao que asistirán todos estes cativos acompañados dos seus mestres.
De 3º a 6º de EP estivemos traballando moi duro con diferentes proxectos de diversa índole. En canto os tivemos rematados, fomos correndo a expoñerllos aos demáis compañeiros e compañeiras que seguidamente nos contaron o que estiveran a facer eles tamén.
O C.P.I. Progreso de Catoira en nome de todo o seu alumando, profesorado e persoal non docente quere desexarlles a todas as familias que forman parte desta comunidade educativa unhas felices festas e un feliz aninovo. Non se nos ocurre outro mellor xeito de facelo que con música! Para iso, o alumnado de 4º de E.P. preparou esta divertida panxoliña... agardamos que lles guste!
FELICES FESTAS!
Sairemos o xoves 24 a partir das 22:30 horas no Canal Rías Baixas!
Esta fin de semana a alumna de 6º Alicia Dios Fajardo e a profe de música Olalla Otero Payno foron de paseo ao Centro Social do Mar de Bueu á gala de entrega de premios do FICBUEU a recoller un galardón como finalistas destes premios polo seu videoclip "Catoira Style". Foi unha gala fermosísima na que a maiores disfrutaron da visualización do filme de cine mudo “O moderno Sherlock Holmes” coa música en directo de Olga Brañas ao piano.
Agradecer ao FICBUEU por ternos seleccionado e valorar o noso traballo e felicitar aos demáis participantes. Estamos orgullosísimos co resultado! Mágoa que por esta situación non puidésemos asistir todo o grupo...para a próxima seguro! Deixámosvos o enlace por si alguén se despistou e non o veu!
Este ano enchimos a nosa ría cunha morea de peixes cargados de bos desexos!
Ademáis os alumn@s de 6º de Educación Primaria fixéronnos uns paneis de realidade aumentada con diferentes persoas ás que lles foi adicado este día para que puidésemos aprender un pouco máis. Foi moi divertido!
Con motivo da celebración do Día Escolar da Non Violencia e a Paz, David del Oro Miguéns, Martín Otero Isorna e Juan Manuel Vázquez Suárez aproveitan para facernos unhas estupendas recomendacións sobre os libros da colección "Os dereitos do Neno e a Nena" que temos na biblioteca.
Amosámosvos as últimas xornadas de Deporte Escolar ás que nos levou o profe de Educación Física, Fernando, ao alumnado de 4º, 5º e 6º de Educación Primaria.
Neste trimestre asistimos co mestre Fernando a varias actividades deportivas e recibimos a compañeir@s doutros centros cos que disfrutamos practicando diferentes deportes.
O 12 de decembro fomos correr á azucareira de Portas os alumn@s de 4º, 5º, 6º de Educación Primaria e 1º da ESO.
O 19 de decembro, os alumn@s de 1º da ESO xogamos balonmán, fútbol, baloncesto e datchball con compañeiros de Cesures en equipos mixtos.
