Extraescolares, Celebracións no Centro

Na última semana toda a Comunidade Educativa estivo a traballar a reo para despedir outubro coa súa festa grande, a celebración do Samaín.

E para relacionar esta celebración coa Liña temática deste curso "Mendelianos ao rescate", primeiro vimos a película "Wall-e" co fin de tomar conciencia dalgúns dos obxectivos que se pretenden acadar:

• Coñecer o estado do planeta e os retos ecolóxicos aos que facer fronte.
• Aprender a valorar a importancia de amar, respectar e coidar a natureza como patrimonio de todos.
• Valorar e utilizar a reciclaxe como unha forma de respecto e coidado do noso planeta.
• Desenvolver actividades de solidariedade, respecto polo medio ambiente, hábitos saudables..
• Valorar a importancia das plantas para o desenvolvemento da vida no noso planeta.
• Utilizar as películas como recursos motivadores para tratar os temas que interesen.
• Desenvolver a atención

Así a decoración do centro, ademais dos elementos típicos desta festa, como son as pantasmas, morcegos e bruxas..., as familias crearon casas terroríficas con elementos de refugallo, o alumnado realizou murais e decorado de portas e corredores recreando a cidade ateigada de lixo da que os humanos do futuro tiveron que fuxir.

Para fomentar o coidado e respecto, primeiro polo noso centro, o seu entorno e isto se vexa reflectido nun ben para todos e para o planeta contamos coa visita de Anxo Moure, que lle ofreceu á rapazada do centro, por niveis, a súa sabedoría sobre os celtas e o coidado da natureza con fermosas historias dramatizadas.

Un grupo de nais acudiron ao centro para facer contadas e xogos polas aulas de Infantil e Primaria, así coma un obradoiro de maquillaxes terroríficas.

Durante o recreo o alumnado da ESO participou nun concurso Spooky organizado polas profes de Lingua Inglesa, onde demostraron as súas dotes para a dramatización de terror.

E por último contamos coa visita de seres moi terroríficos que se pasearon polo centro asustando a toda a comunidade.

A continuación unha mostra do acontecido:

CELEBRACIÓN SAMAÍN 2023 de Entre estrellas que iluminan

GRADUACIÓNS ESO 2023 de Entre estrellas que iluminan

O alumnado de 4º da ESO realizou unha curtrametraxe, nun traballo entre departamentos, sendo neste caso o de Lingua Galega e o de Plástica. Unha histroria creada durante as clases da materia de Lingua para logo facer gravacións e montaxe na materia de plástica. 

Preparados para ver unha historia de moitooo MEDO!!!

O TAMBOR DA MORTE de Entre estrellas que iluminan

Pasiño a pasiño o curso vai chegando a súa fin, e para celebralo no Centro levaranse a cabo algunhas actividades de Festa acompañando tamén, coma cada curso, ás GRADUACIÓNS do alumnado que remata etapa, así celebraremos as de 6º de E. Infantil, 6º de E. Primaria e 4º da ESO.

Á Festa de Graduación poderán asistir dous membros de cada familia como máximo.

O alumnado de 2º da ESO preparou e presentou un Kamishibai (teatriño xaponés) ao alumnado de 2º de primaria, como actividade interetapa na área de Lingua Castelá.