Skip to Content

 

Extraescolares, Celebracións no Centro

COLOCACIÓN DE BIO-REFUXIOS NO XARDÍN DO CENTRO

Lun, 09/19/2022 - 23:31 — X.E.Primaria

O pasado venres día 16 de setembro, dentro do Programa Voz Natura, que se leva a cabo no centro sobre o Fomento da Biodiversidade, o profesor Coordinador Bouzo xunto con dous compañeiros colocaron os Bio-refuxios, creados durante o pasado curso, para o acubillo de morcegos e aves rapaces.

Queda pendente a colocación de Hoteis de Insectos tamén dentro do programa mencionado e desenvolto o curso pasado.

 

ACTIVIDADES EXTRAESCOLARES MARTES E XOVES

Lun, 09/19/2022 - 10:53 — X.E.Primaria

FESTA FIN DE CURSO 2021-2022

Ven, 07/01/2022 - 20:22 — X.E.Primaria

Este curso, por fin, toda a Comunidade Educativa puido celebrar a festa de fin de curso que por mor da Covid quedará cancelada en xuño do 2020. Grazas ás familias por organizar e a toda a Comunidade por colaborar para que o alumnado puidese gozar dunha fin de curso como se merece. 

A continuación un pequeno resumo desta Festa.

BO VERÁN PARA TODOS E TODAS!!

FESTA FIN DE CURSO de Entre estrellas que iluminan

ÚLTIMAS SAÍDAS DO ALUMNADO DE E. PRIMARIA NO CURSO 2021-2022

Lun, 06/27/2022 - 23:52 — X.E.Primaria

O alumnado de 1º, 2º e 3º de E. Primaria visitou a aldea de Lodoselo o pasado 15 de xuño, como remate de curso, onde aprenderon a facer pan, papel reciclado, alimentaron os animais, plantaron unha árbore nos cartóns de leite que decoraron na aula, para logo plantar no monte e coidar, logo deron un paseo en burro pola aldea e remataron cun tempode lecer no parque. Foi un gran día de aprendizaxes e lecer que queda reflectido no seguinte vídeo:

Alumnado de 1º, 2º e 3º de E. Primaria foron de excursión á aldea de lodoselo 15-xuño-2022 de Entre estrellas que iluminan

E por último o alumnado de 5º de E. Primaria decidiu rematar o curso cunha viaxe no tempo pola vila de Ribadavia, onde visitaron o castelo, o barrio xudeo e o museo, rematando con merenda e tempo de lecer na Alameda. Foi un gran día de novos coñecementos e tempo de diversión. A continuación o correspondente resumo:

SAÍDA A RIBADAVIA de Entre estrellas que iluminan

FESTA FIN DE CURSO

Mar, 06/21/2022 - 00:14 — X.E.Primaria

      

FESTA GRADUACIÓN INFANTIL E PRIMARIA 2022

Dom, 06/19/2022 - 22:10 — X.E.Primaria

A continuación un resumo da Festa de Graduación de E. Infantil e Primaria, que se celebrou o venres.

Festa Graduación Infantil e Primaria 2022 de Entre estrellas que iluminan

EXPOSICIÓN E CHARLAS ARREDOR DA CULTURA DOS HÓRREOS CO ETNÓGRAFO ARTURO FERNÁNDEZ ARAUJO

Lun, 06/13/2022 - 19:44 — X.E.Primaria

EXPOSICIÓN E CHARLA ARREDOR DOS HÓRREOS CO ETNÓGRAFO ARTURO FERNÁNDEZ ARAUJO de Entre estrellas que iluminan

SAÍDAS DIDÁCTICAS

Sáb, 06/11/2022 - 00:00 — X.E.Primaria

Hoxe foi un día de actividades fóra do Centro para o alumnado de 6º de E. Primaria, 1º e 2º da ESO.

Mentres os de 1º da ESO visitaron o Castro de San Cibrán de Las para aprender sobre a cultura castrexa dende o seu museo e a través do Obradoiro "Nun chisco un misto", no que aprenderon a facer lume coma na Prehistoria.

A continuación unha mostra:

VISITA AO CASTRO DE SAN CIBRÁN DE LAS POLO ALUMNADO DE 1º DA ESO de Entre estrellas que iluminan

O alumnado de 6º de E.Primaria e 2º da ESO participaron na actividade, ofertada polo Concello dende o seu Programa Educativo, Bautismo Naútico en Castrelo de Miño coa fin de  fomentar actividades lúdico-didácticas na natureza, ao aire libre, aproveitando os recursos da nosa provincia, así como inculcar o respecto aos demais, o traballo en equipo, valorar o noso patrimonio etnográfico, cultural e natural e a necesidade de conservar o medio ambiente.

A continuación unha mostra desta actividade:

 

BAUTISMO NAÚTICO EN CASTRELO DE MIÑO PARA ALUMNADO DE 6º E. PRIMARIA E 2º DA ESO de Entre estrellas que iluminan

CELEBRACIÓN DÍA DAS LETRAS GALEGAS HOMENAXEANDO A FLORENCIO DELGADO GURRIARÁN

Mér, 05/18/2022 - 00:02 — X.E.Primaria

Este luns, 16 de maio, toda a Comunidade Educativa do centro participou das distintas actividades propostas en homenaxe a Florencio Delgado Gurriarán.

Así o alumnado de Infantil e Primaria realizou actividades dixitais sobre o autor para logo por niveis pasar polo patio e participar no Escape Room que o Equipo de Actividades Complementarias e Extraescolares organizou, con distintas probas para obter o tesouro (puntos de lectura do autor e un contiño en galego para cada membro do alumnado).

Ademais tamén decoraron unha caricatura do autor para entre todos facer un mural colaborativo no patio.

Tamén se gravaron dous programas de Radio Mende sobre o autor, un polo alumnado de primaria e outro da ESO que ademais foron enviados ao concurso de Radio na Biblio nas dúas modalidades correspondentes, sen obter premio. E que se emitirán ao longo da semana. Para escoitar agora só é preciso premer nos arquivos adxuntos.

 

CELEBRACIÓN LETRAS GALEGAS 2022 de Entre estrellas que iluminan

POEMA "QUINCE ANOS" CANTADO de Entre estrellas que iluminan

O ALUMNADO DO CENTRO CANTA COPLAS AO NOSO MAIO NO HORTO

Lun, 05/09/2022 - 00:51 — X.E.Primaria

O venres durante a segunda, terceira e cuarta sesión o alumnado do centro cantou coplas á ritmo de pandeireta, gaita e bombo ao maio, realizado por un grupo do alumnado da ESO, dirixidos polos profesores dos departamentos de galego e plástica a semana pasada, nunha actividade de convivencia entre todas as etapas educativas do centro.

O alumnado da ESO, xunto co profesor de Galego, Xulio, dirixiron a actividade, á que se foron sumando cada 15 minutos un curso de Infantil e Primaria, cantando, danzando e aturuxando, co ritmo da música arredor do maio, rememorando as antigas tradicións.

O alumnado canta coplas ao noso maio no horto de Entre estrellas que iluminan

Distribuir contido


by Dr. Radut