Os preto de 900 traballos presentados ao Concurso Escolar do Parlamento galego énchennos de orgullo porque “constatamos que a Galicia do mañá será moito mellor que a de hoxe” dado que “os rapaces que dentro de nada rexerán o noso destino rebosan capacidade de traballo, inxenio e destreza como quedou demostrado nos orixinais recibidos”. Son palabras da presidenta do Parlamento de Galicia, Pilar Rojo Noguera, no acto de entrega dos premios do Concurso Escolar 2010-2011, organizado pola Cámara Galega.
A nosa alumna de 4º da ESO, ademais de se galardoada coma finalista do Certame, tamén foi merecedora de que o seu deseño de Cartel fose o elixido para estampar a camiseta conmemorativa da actividade do Parlamento de Galicia, o cal constitúe toda unha honra.
