Día mundial do TEA

Este ano coa finalidade de conmemorar o Día do TEA, 2 de abril, organizamos unha actividade moi especial “Non son invisible”

Non poderiamos levala a cabo sen os nosos voluntarios e voluntarias de biblioteca, os cales investigaron e involucraron ás familias. A nosa comunidade educativa xuntouse e elaborou lazos azuis, que foron usados para decorar o enreixado da nosa escola.

Con esta actividade queremos reflexionar e sensibilizar sobre a diversidade que nos rodea, construíndo deste xeito unha comunidade máis inclusiva e solidaria. 

Agradecemos a todos os que participaron nesta actividade e esperamos seguir colaborando xuntos, creando pontes para seguir avanzando, man a man, trazo a trazo, nunha sinfonía de cor tan infinita e variable como é o TEA.