Queridas familias:
En resposta á actual emerxencia climática, queremos actuar tomando medidas reais no noso día a día e mellorando os nosos hábitos.
Por iso, como centro educativo, sumámonos ao reto RECREOS RESIDUO CERO, proxecto posto en marcha polo colectivo ambiental "Profes polo futuro" e apoiado polo Ministerio de Transición Ecolóxica. Trátase de que toda a comunidade educativa camiñe na mesma dirección para reducir, na medida do posible, os residuos plásticos que xeramos na vida en xeral e nos recreos escolares en particular.
Para iso, alumnado, familias, profesorado e demais membros da comunidade educativa debemos facer un esforzo por cambiar e mellorar a nosa forma de consumo, envasado e transporte de produtos. Cada persoa individualmente ten un enorme poder na redución de residuos plásticos. Usemos ese poder e melloremos a situación. Seguro que, aínda que ao principio nos resultará difícil cambiar os hábitos e inercias, atopamos maneiras sinxelas e creativas de non xerar residuos plásticos.
Convidámosvos a participar no programa «RECREOS RESIDUOS CERO«. que consiste en motivar ao alumnado para que nos seus xantares ou merendas non haxa residuo, ou polo menos, o mínimo posible. Para iso deberán usar envases retornables como fiambreras para sólidos e cantimploras para a auga a fin de eliminar as botellas de plástico e os envases dun só uso como plásticos, envoltorios de plástico, papel de aluminio, etc.
Moitísimas grazas pola vosa colaboración e participación.