O mércores participamos nunha xornada de convivencia deportiva cos compañeiros/as de 4º, 5º e 6º do CEIP Ana Mª Diéguez. Toda unha mañá de xogos en equipos, desfrutando do deporte e facendo novos amigos e amigas. Fantástico! Que ben o pasamos!

O pasado martes estivo na nosa clase Carlos Ces, que é o Informático do Concello de Rianxo. Veu impartir un obradoiro de creación de vídeo xogos. Foi moi interesante e moi divertido. En dúas sesión aprendemos a comezar a crear xogos de balde, coas mesmas funcionalidades de moitos dos xogos comerciais que nos gustan. Encantounos! Seguiremos fedellando e aprendendo. Grazas, Carlos!

Hoxe tivemos sesión de obradoiros en Sintaxe, repasando as seis clases gramaticais coas que xa traballamos. Como nos prestan os obradoiros de Sintaxe!

Xa estamos de novo no cole. A volta foi máis agradable coas sorpresas que nos agardaban ao pé da árbore: agasallos de Nadal para cada clase!

Nós tivemos catro xogos de mesa, que xa probamos nesta primeira semana, mellor dito, xa o primeiro día! Gustáronnos moito!

Este martes os alumnos e alumnas de 5º e 6º participamos nun obradoiro sobre acoso nas redes sociais, organizado polo Concello de Rianxo. Por medio de xogos, debate entre nós e algúns vídeos, démonos conta de que hai que ter moita precaución para non caer en situacións de acoso nas redes. Foi moi interesante. 

Na clase temos un recuncho de xogos. Hoxe comezamos a descubrir cales hai...