Ao final deste artigo atoparás o ficheiro en pdf co formulario de alta e renovación de socixs. Tamén achegamos a autorización de cesión de imaxe de menores, que é voluntaria: lembramos que, de non autorizar, respectaremos en todo caso a normativa vixente en materia de protección de datos e de dereito á propia imaxe, de xeito que nas fotografías que publiquemos non resulten recoñecibles (imaxes tomadas de costas ou nas que os rostros aparezan borrosos, pixelados ou con máscaras).

Podes pagar a cota anual de socix, de 20€ por unidade familiar, mediante transferencia bancaria ou ingreso en efectivo na conta da ANPA, que se indica no formulario. Non esquezas indicar como concepto o nome e curso da(s) túa(s) crianza(s) e pedir o teu xustificante de pagamento para que poidamos identificar o teu ingreso.

IMPORTANTE: precisamos o formulario cuberto e asinado + xustificante de pagamento da cota de socix para poder identificalo e darte de alta na asociación. A data límite de inscrición e pagamento será o primeiro venres de setembro (06/09/2024).

Para achegar a documentación, podes:

• Enviar un correo electrónico a anpa.cep.brea.segade@edu.xunta.gal
• Depositala en papel na caixa do correo da ANPA á entrada da escola.

Non dubides en contactar connosco se tes algunha pregunta:

• Por correo electrónico: anpa.cep.brea.segade@edu.xunta.gal
• No grupo de Whatsapp ANPA BREA SEGADE (se o autorizas no formulario). Horario de atención a familias: de luns a venres, de 09:00 a 21:00h (responderemos á maior brevidade posible tamén dentro deste horario).

Grazas por apoiarnos e facer posible que continuemos co noso labor!