blogue desalial

MATRÍCULA NOVO ALUMNADO CURSO 2024-2025

Mér, 2024-06-19 22:06 — salial

O PRAZO DE FORMALIZACIÓN DE MATRÍCULA SERÁ DO 20 AO 30 DE XUÑO.

A documentación a presentar para a formalización da matrícula é a seguinte:

Impreso de matrícula poderá recollerse no centro.
Dúas fotos actuais tamaño carné.
Fotocopia do DNI da nai/pai/alumna/o e Libro de Familia con todas as follas (se non fose entregado no proceso de admisión)
Fotocopia da tarxeta sanitaria (Seguridade Social, MUFACE, etc)
Certificado de empadroamento ou convivencia.
Certificación académica na que se faga constar o código do/a alumno/a cando este proceda doutro centro educativo.
Todos aqueles documentos nos que se recolla información de relevancia para o centro.

HORARIO DE SECRETARÍA

20 de xuño: 9:00 a 10:15

24-28 de xuño: 9:30-12:30

NOTA INFORMATIVA

As familias do novo alumnado poden descargar no móbil a aplicación AbalarMóbil, para recibir as notificacións do centro a partir de setembro.

Engadir novo comentario.
42 lecturas

MATRÍCULA NOVO ALUMNADO CURSO 2024-2025

Mér, 2024-06-19 21:51 — salial

- O prazo de matrícula para os centros de Educación Infantil Primaria é do 20 de xuño ao 30 de xuño inclusive.

- Documentación

Engadir novo comentario.
36 lecturas

O ALUMNADO DO COLE BAILA COS DO IES O COUTO

Dom, 2024-06-09 13:58 — salial

O alumnado de primaria do CEIP VISTAHERMOSA, fai un cameo nesta gravación musical co IES O Couto.

A letra é do alumnado de 3º da ESO, a coordinación do proxecto e a montaxe do vídeo é de Olalla Núñez Deza, profesora de música do instituto.

Resulta entrañable e motivador ver no vídeo a distintas xeracións bailando xuntxs.

Música: Cruisin' for a Bruisin' Ross Lynch, Jason Evigan, Grace Phipps

Engadir novo comentario.
62 lecturas

XOGOS, RITMOS E DANZAS NA PRAZA MAIOR

Mér, 2024-05-29 17:50 — salial

A maxia de aprender xogando

Este mércores o alumnado de 4º de EP participou nunha Xornada divertida compartindo con outros colexios da provincia música, ritmos e diversión.

Arredor de 200 nenas e nenos desfrutaron de dúas horas de xogos musicais, de percusión e danzas organizadas polas súas mestras e mestres de música. Estes son algúns fragmentos con diferentes propostas rítmicas da xornada:

Xornada Musical

Batucada

Can Can de Offenbach

Danza Rusa de Tchaikovsky

Galería de Imaxes da xornada

Esta actividade estivo organizada e dinamizada polo profesorado de música participante no Seminario de FP sobre recursos musicais, subvencionada polo Centro de Formación e Recursos e contou coa colaboración da Área de Educación do Concello.

Engadir novo comentario.
87 lecturas

OS MAIOS

Dom, 2024-05-05 17:03 — salial

A Festa dos Maios anuncia a chegada da primavera e das flores.

O noso Maio é unha armazón cuberta por unha rede, continuando coa proposta de Polos Creativos Tecendo Redes. Nazaret, Saúl, Olivia e Alicia son xa uns expertxs redeirxs. Adornámolo con flores feitas de material de reciclaxe.

Nas Coplas, os temas máis empregada son: o cole e os xogos do recreo, a tecnoloxía e o medio ambiente.

Engadir novo comentario.
69 lecturas

TECENDO REDES

Dom, 2024-05-05 12:06 — salial

POLOS CREATIVOS.

Esta actividade é unha homenaxe ás REDEIRAS, unha profesión tradicionalmente feminina en Galicia.

Na aula de Plástica creamos un pequeno tear para que o alumnado de 6º practicara cun punto básico de tecido e creara unha peza de decoraciónde de parede para fotos, notas, colares... (Fai click na imaxe para ver as diapositivas)

Engadir novo comentario.
46 lecturas

DÍA DO LIBRO

Ven, 2024-04-26 18:25 — salial

Ao longo deste mes para conmemorar o "Día do Libro", fomos realizando actividades relacionadas coa lectura, o xogo e a creatividade.

- XOGO DO TRIVIAL: "O gato con botas"

Os gatos móvense polo taboleiro contestando preguntas para conseguir a capa, o sombreiro e as botas.

- PERSONAXES DE CONTOS SAÍDOS DA PLASTILINA e inspirados en: Contos de plastilina "Hansel e Gretel".

- HISTORIAS ENCADEADAS:

Os participantes enlazan as oracións, parágrafos e así forman Historias Encadeadas.

- OCA 1, 2, 3 ... A INVENTAR OUTRA VEZ.

Cada xogador/a vai anotando as palabras por onde vai avanzando no taboleiro, combinando esas palabras narrará unha breve historia.

- APADRIÑAMENTO LECTOR:

Un ano máis os maiores do cole fixeron de padriños e madriñas lectoras dos máis pequenos.

- VISITA DA DOUTORA CECILIA

Tódolos anos polo "Día do libro" a Dra. Cecilia, visita ás aulas de 4º, 5º e 6º de infantil, co fin de comprobar a saúde da biblioteca de aula. Este ano conseguiron o certificado - CORAZÓN VERDE BRILLANTE- Iso significa que aos nenos/as de infantil lles gustan os libros e coidan deles. Tamén lles puxo unha vacina para que o encargado/a do día se acorde de ordenar a bilbioteca.

- O MEU LIBRO FAVORITO

Os nenos/as de infantil ilustraron o seu conto favorito

- RETO: CANTOS CONTOS COÑECES TI?

Na entrada da biblioteca tes un reto sinxelo se queres conseguir un libro, só tes que escribir os títulos de contos que aparecen no panel, poñer o teu nome, o curso e entregalo á coordinadora da Biblioteca. ANÍMATE!!

- A BIBLIOTECA ESCOLAR ... Espazo para Ler, Xogar e Crear.

Os nenos/as de infantil desfrutaron dunha sesión de xogos na biblioteca.

FELIZ DÍA DO LIBRO!

...Ler máis

Engadir novo comentario.
45 lecturas

PRESENTACIÓN DO LIBRO "A NENA E O AVÓ"

Lun, 2024-04-22 19:18 — salial

Día do Libro

Briana, alumna da clase de 1º de EP, é a protagonista do conto musicado "A nena e o avó". Con motivo do día do libro presentounos o conto e compartimos unha das cancións incluídas no libro. Fai click na imaxe para escoitar a canción.

A autora Carmen Calleja nun momento da lectura do conto que tivo lugar no CC Ponte Vella da cidade.

A nena e o avó

conto

Tedes á vosa disposición, na biblio do centro, o conto musicado "A nena e o avó", onde Briana e o seu avó nos descubren un mundo máxico cheo de trasnos, meniñeiros, nubeiros....

Engadir novo comentario.
93 lecturas

Anexo V: Solicitude de Permisos e licencias

Sáb, 2024-04-13 11:23 — salial

ANEXO V AUTOEDITABLE

PERMISOS E LICENZAS PARA O PROFESORADO

Engadir novo comentario.
51 lecturas

EQUILIBRISTAS CON MAKEY MAKEY

Mar, 2024-03-26 18:57 — salial

Nesta actividade as alumnas e alumnos de 6º constrúen distintas tirolinas con papel de aluminio que conectan á placa Makey Makey. Despois programan a placa con Scratch para que emita un son cada vez que o aro toque o circuíto.