Complementarias

O 18 de maio o alumnado de 2º, 3º 4º e 5º de Educación Primaria realizou unha excursión ao parque Marcelle Natureza en Outeiro de Rei (Lugo).

O obxectivo principal do parque é concienciarnos para o respecto e protección da fauna silvestre e a conservación da natureza. Ademais da fauna animal e da flora o noso alumnado gozou dunha entretida exposición artística, con obras fundamentalmente realizadas en madeira e pedra que complementaron a visita.

Ademais, os nosos nenos e nenas desfrutaron da observación dalgúns animais que non podemos ver na nosa contorna : linces boreais, bisontes, cebras, antílopes, lobos, canguros… e mesmo uns simpáticos e rebuldeiros monos. Pasaron un día moi divertido!

O día 20 de novembro celebramos o día universal da infancia. O obxectivo da conmemoración é lembrarlle aos cidadáns que os nenos/as son o colectivo máis vulnerable e, por tanto, o que máis sobre as crises e os problemas do mundo. Este día, serve para recordar que tódolos nenos/as teñen dereito á educación, protección e saúde entre outros.

Os nenos e nenas do cole fixeron unhas banderolas ilustrando eses dereitos e para darlle a importancia e a visibilidade que merecen están colocados nun lugar ben visible: o hall de entrada do centro de saúde de Riós.