O mes de Abril foi un mes de gran actividade na nosa biblioteca porque non podemos esquecer que é o mes do libro por excelencia, xa que o día 2 celébrase o día Internacional do libro infantil e xuvenil e o día 23 celébrase o día Internacional do libro e dos dereitos de autor.

Por este motivo contamos cunha visita moi especial: Tucho Calvo . Ademáis de ser escritor sabe moi ben qué ocorre antes de que un libro chegue ás nosas mans, todos os procesos polos que un texto debe pasar e que nos axudaron a comprender canto traballo hai tras unha obra literaria .

Grazas Tucho, polo teu tempo e a túa entrega.

Tamén tivemos este mes outra visita moi especial , a dun historiador de Presedo que dirixe o Museo das Mariñas de Betanzos e que visitou a nosa biblioteca para afrontar as preguntas de 44 nenos e nenas de 4ºcurso . Alfredo Erias demostrou que, ademáis de ser un gran artista, tamén sabe saír airoso ante a entrevista dos alumnos e alumnas do San Marcos.

Grazas Alfredo!!

 Aló pola primeira semana de abril a orientadora , xunto cun grupo de alumnos e alumnas de 5º e 6º prepararon unha representación un tanto especial na que se escenificaban vivencias cotiás . A idea era ver como ás veces nos vemos inmersos en situacións conflictivas que non deberían de selo, así que tratamos de buscar as diferentes razóns que poden levar a elas e reflexionar sobre o xeito de solventalas ou, aínda mellor, evitalas.

 E como seguimos co proxecto das nosas raíces celtas, a profe Carina preparou un power point sobre o significado dalgúns dos símbolos celtas máis coñecidos . Foi moi interesante, e , se queredes, podedes velo no blog de Marquiños. Está en inglés, pero sempre é boa idea practicar un pouco!!

A partir da lectura dunha serie de lendas tradicionais galegas xurdiu entre o alumnado de 6º A a idea de combinar este tipo de manifestación literaria co imaxinario popular "recente", centrándose nesas historias e rueores que se coñecen como "lendas urbanas". Así, organizados en grupos, fixeron un traballo de investigación na rede coa finalidade de atopar diferentes histoiras maioritariamente escabrosas ou terroríficas que logo presentaron aos seus compañeiros.

 Alumnos e alumnas de 5º A fixeron un traballo chamado "Sobre nós" no que falamos dos medos que cada un pode sentir, por que e como vencelo

Ademáis houbo outras cousiñas, como a pequena obra teatral que preparou a profesora Sofía con nenos e nenas de distintos niveis con diálogos inventados polo alumnado a partir do poema "A bruxa Curuxa" , de Gloria Sánchez. Ou o recitado de alumnos de 5º B que memorizaron poemas de "Soños na gaiola", de Manuel María, para recitar no tempo de ler a grupos de 1º e 3º.

Para Maio... máis cousas!!!

Os alumnos e alumnas de 1º e 2º  coa axuda da profe Carina e do profe José Luis estamos tamén moi implicados no proxecto de "Raíces Celtas " e decidimos facer unha maqueta de Galicia na que amosamos o seu relevo e tamén algunhas das cousas importantes que temos na nosa terra.

Así tamén aprendemos sobre o noso pasado

Este mes a profe Carina adicou toda unha semana a contarnos unha interesante Historia sobre o fillo de Breogán e o noso parentesco con Irlanda. "Unha viaxe inesperada " foi o punto de partida dun proxecto que arranca da Torre de Hércules e nos achega ao mundo celta e á súa cultura 

Tamén contamos cun magnífico traballo presentado por unha alumna de 4ºA que falou para os seus compañeiros dun tema que resultou de gran interese para todos "Rcoas e fósiles" 

E para non ser menos, algúns alumnos e alumnas de 6º presentaron ao alumnado de 4º,5º e 6º adiviñas que eles mesmos idearon. Non podemos deixar de recoñecer que temos un cole cheo de artistas

 E cando xa o mes ía rematando ... acercouse o Samaín, unha festa de orixe celta que os irlandeses levaron aos E.E. U.U. onde tornou en Halloween. 

Como o noso é un centro plurilingüe pois... facemos as dúas versións da mesma festa que sempre vai acompañada dalgunha que outra historia arrepiante.

Comeza o novo curso e , coma sempre , o equipo de biblioteca presenta a Biblioteca a todo o alumnado de Infantil e Primaria. 

Temos por diante todo un curso cheo de ilusións e novos proxectos e para poder levalos a cabo non podemos prescindir da colaboración do alumnado de 5º e 6º que, ao igual que en cursos anteriores, formaranse para axudar e, entre todos, conseguir un bo funcionamento da nosa biblioteca. 

Grazas a todos os colaboradores e colaboradoras

O día 26 de Setembro foi o día Europeo das linguas, e , como é lóxico, tamén tivemos un tempo para adicar a todas as linguas que se falan no noso continente. 

Todos os alumnos e alumnas da escola buscamos información sobre algún país europeo e a lingua que nel se fala e tamén aprendemos algunha palabriña que outra. Parécenos moi importante lembrar sempre que somos parte dunha gran comunidade e que temos que coñecer aos nosos irmáns cada día un pouquichiño máis. 

Enchemos o cole con TODAS as linguas de Europa

E chegou o Entroido!!!

Este curso todos nos disfrazamos seguindo a temática do proxecto que temos para este curso , RAÍCES CELTAS.

Os nenos e nenas de Infantil representaban varias comunidades celtas de distintas parroquias.

Os de primeiro ían disfrazados de lumes fatuos. 

Os de segundo eran os castrexos de Baroña e de Santa Tegra, que viñeron visitar aos abegondeses.

Os de terceiro e cuarto representaban os clans

escoceses e irlandeses. Viñan coa cara pintada 

e ata representaron unha batalla!!!

Os de quinto vestíronse de druidas, bruxos , meigas.. e demáis persoeiros encargados de sanar e axudar aos habitantes dos castros.

E os de sexto representaron aos deuses e deusas da natureza que tanto coidaban e veneraban os nosos antergos

Non deixedes de visitar a Galería para ver a chea de fotos que temos!!!!