Días Distintos

Gravamos o vídeo "Eu Son Rosalía..."  Actividade promovida pola Asociación de Escritores e Escritoras Galeg@s

Os Alumn@s de 5º e 6º agasallaron ás demais clases con poemas de Rosalía. Logo de escoitar os poemas, os rapaces ilustráronos segundo a temática de cada un: Galicia, natureza, emigración, animais propios de Galicia, costumes e tradicións...

Tamén lle escribimos unha carta ao Alcalde Don Amancio Cid, na que lle solicitabamos que incluira na programación cultural do concello o día 24 de febreiro como Día de Rosalía.

 1º Esta actividade está encadrada dentro da webquest Abaixo cos muros como unha tarefa de todo o centro. Escribimos cadansúa mensaxe en ladrillos que colocamos nunha parede aberta. Na busca dun mundo sen barreiras e aberto á tolerancia, ao respecto, á liberdade...

2º.- Cada clase  empregou unha cartolina para facer o deseño do seu grafiti que logo trasladaremos a unha parede do patio. 

Así celebramos nós o vinte e cinco aniversario da Convención dos DEREITOS Do NENO

Reunidos en Asemblea, todos os nen@s e mestres fixemos lectura dos principios nos que se fundamentan os Dereitos do neno:

Todos os nen@s menores de 18 anos teñen dereitos sen distinción de raza, sexo, relixión ou procedencia a...

Deseñamos nas distintas clases pequenos carteis cos diferentes dereitos dos nenos e con todos eles construímos un xigantesco monicreque:

Declaración dos Dereitos do Neno Tés dereito a coñecer os dereitos.   Dereito á igualdade, sen distinción de raza, relixión ou nacionalidade. Dereito a unha protección especial para que poidamos crecer física, mental e socialmente sans e libres. Dereito á ter unha familia. Dereito á comprensión e ao amor por parte das familias e da sociedade. Dereito á unha vida digna. Dereito a ter un nome e unha nacionalidade. Dereito a opinar respectando os dereitos dos demais. Dereito a unha alimentación.  Dereito a unha vivenda. Dereito á intimidade. Dereito a recibir unha información axeitada á nosa idade a través de libros, periódicos, programas televisivos... Dereito a unha  atención médica axeitadas. Dereito a unha educación gratuíta. Dereito a recibir unha educación que fomente a solidariedade, a amizade e a xustiza entre todo o mundo.. Dereito a recibir unha atención especial se es un nen@ física ou mentalmente diminuíd@. Dereito a divertirte e a xogar. Dereito a ser protexido contra os malos tratos. Dereito a unha protección especial e axuda preferente en caso de perigo, guerras ou nos desastres naturais. Dereito a ser protexido contra o abandono. Dereito a non ser explotado no traballo. Dereito a non ser recrutado coma soldado

Hoxe, coincidindo do Día das Bibliotecas escolares, celebramos o aniversario de Efrén. A nosa mascota cumpría 10 anos, así que organizamos unha gran festa.

Para conmemorar esta data, preparamos actividades divertidas relacionadas coa bibliteca e coa lectura:

Ao Chegar pola mañán cantámoslle o feliz aniversario.

Ao longo do día, realizamos diversas actividades:

• "Regáloche un conto" – Apadriñamento lector, onde cada nen@ lle contou a outro máis pequeno un conto da biblioteca.

Julio escolleu o patio do colexio para lerlles aos seus Afillados: Taisa e Brais	Sofía apadriñou a Gabriel e a Diego, o conto está moi interesante

• Entregámoslle aos novos alumnos, o seu propio carné da biblioteca.

• Houbo unha sesión de contacontos

• Fixemos un obradoiro de marcapáxinas de Efrén.

• ... E como non! Efren tivo a súa torta de aniversario.

Feliz Aniversario Efrén!!!

Visita o Bloguesquío para ver máis fotos.

24/10/2014

Día da Biblioteca, 2014 by Slidely Photo Gallery

O Entroido é unha das celebracións máis divertidas e con maior tradición no noso cole. Hai festa cada día:

Fotos na Galería de Imaxes

1.- Durante a semana que celebramos o Entroido vimos disfrazados cada día segundo o que mande Efrén. Estes foron os mandados:

“Dando a volta ao mundo fómonos acostumando aos cambios que supoñen as viaxes:

CAMBIO de hora… CAMBIO de moeda CAMBIO de idioma… Queres Cambios??? Toma Cambios… Tranqui que non teñen porque ser permanentes!!”
FARTOS DE ESCOITAR SEMPRE O MESMO… EU QUERO CAMBIAR HOXE PROPOÑO UN CAMBIO RADICAL! ROUPA DO REVÉS O LUNS VESTIRÁS COMBINANDO SHOES AND SOCKS DE XEITO ORIXINAL.
	UN CAMBIO DE SEXO, TERÁ LUGAR O MARTES OS MESTRES… PARECERÁN MESTRAS E OS RAPACES, RAPAZAS VEN AO COLE ESTE DÍA, CUNHA NOVA IMAXE
A CAUSA DA CRISE REDÚCENSE OS MESTRES NECESITAMOS NOVOS DOCENTES PARA DAR CLASE O MÉRCORES.	SE QUERES SER PIRATA, CANTANTE DE ROCK, BAILARINA OU PANTASMA O XOVES É O TEU DÍA VEN AO COLE CON CALQUERA PINTA

2.- Tamén corremos os Compadres e as Comadres, símbolo da tradicional loita entre sexos.

O primeiro xoves os nenos terán que quitarlle os compadres ás nenas e no seguinte xoves as nenas terán que quitarlle as comadres aos nenos. Botamos unhas carreiras e liberamos un montón de adrenalina.

3.- A festa remata cun gran desfile ao que tamén veñen nais e pais, antigos alumn@s... Cada clase disfrázase de algo típico do país que representa. Tendo como base musical a canción Ven viaxar connosco da Orquestra Mondragón, reescribimos a letra da canción adaptada á cada país. 

- Cada clase preparou unha coreografía para o desfile. 

ESPAÑA: O Quixote de Cervantes	AUSTRALIA: Aborixes
EXIPTO: Momias e Faraóns	FRANCIA: Bailando o Can-Can no Moulin Rouge
ALEMAÑA: Xerras de cervexa	O BRASIL: O Sambódromo e a Capoeira
A INDIA:Actores e actrices de Bollywood	O XAPÓN: Delegación xaponesa en Toén

Tamén houbo un Combate… de coñecementos. Os da India & Xapón. Cada clase demostrou os  coñecementos de cultura xeral referidos ao outro país.

Nas clases elaboraron unha batería de preguntas con respostas curtas de 1 ou 2 palabras sobre cadanseu país. Sobre o tatami, cada grupo tiña que formar a resposta con letras maiúsculas, empregando só o corpo e en sentido horizontal -no chan-.

SOUTO DOS LARETAS. Combate de Coñecementos. Preguntas para a India

SOUTO DOS LARETAS. Combate de Coñecementos. Preguntas Para Xapón