blogue deSilvia Vázquez

Que mandadiños terá Miguiña preparados?  Que imos facer no cole? Pica aquí para averigualo:

 https://bibliotecamestreagrelo.wordpress.com/2022/02/15/preparando-o-entroido/ 

No primeiro trimestre deste curso retomamos o Proxecto de Renovación do Patio do Centro, un patio para todas e todos.

Primeiramente, preguntámoslle aos nenos e nenas que lles gustaría que houbese no patio do seu cole. Nese momento saíron un montón de boas ideas que empregamos para facer un pequeno esbozo de como podería ser ese novo patio.

Tamén pedimos colaboración ás familias e ao concello para poder facer realidade o patio que queremos e organizámolo todo para neste segundo trimestre, poñernos mans á obra!!!

Aquí vos deixamos algunhas imaxes do proceso de cambio...

Pouco a pouco iremos amosando máis imaxes da renovación. Estade moi atentos/as!!!

O pasado mércores 15 de decembro, a psicóloga xeral sanitaria, Rebeca Calvo Barros, achegounos interesante información sobre os “Riscos derivados do uso das TIC”.

No adxunto, amosamos unha síntese do contidos abordados na charla, elaborada por Carolina Mourelos (orientadora do centro).

Familias, agardamos que vos sexa de utilidade.

O prazo de presentación de solicitudes será dende o día 11 de xaneiro ata o 8 de febrero. Diríxese ao alumnado de 6º de Educación Primaria que continuará os estudos no IES As Ínsuas.

As familias poderán cumprimentar as solicitudes de reserva de xeito manual ou a través da aplicación https://www.edu.xunta.gal/admisionalumnado/

Para presentar unha solicitude deberá seguir algunha das opción descritas a continuación:

1.    Cubrir a solicitude informaticamente e presentala asinada de xeito manual no centro:
Para presentar a solicitude presencialmente no centro deberá entrara seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que deberá cubrir os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e poderá descargala para asinar e presentar no centro. 

2.    Cubrir a solicitude informaticamente e asinala en Sede Electrónica: 
Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para elo deberá premer na icona verde que se atopa arriba a dereita . Posteriormente deberá seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que ten que indicar os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e posteriormente premendo no botón "Firmar e presentar en Sede Electrónica", poderá firmar a solicitude dixitalmente, quedando como presentada no centro, sempre que o proceso de firma remate correctamente.

IMPORTANTE: Debe achegar, na Sede Electrónica da Xunta de Galicia o anexo I bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, ultima páxina da solicitude que pode visualiar e descargar nesta aplicación).

Debe achegar escaneada toda a documentación pertinente á hora de presentar solicitude.

3.    Cubrir a solicitude manualmente e presentala asinada presencialmente no centro.

No 1º arquivo adxunto, podedes ver toda a información relativa ás normas de funcionamento actividades de tarde (incluída a biblioteca escolar).

No 2º arquivo, podedes ollar as quendas da biblioteca escolar, xa que, este curso, pola situación derivada da COVID-19, haberá días e horas fixados para cada grupo-clase, non podendo mesturarse alumnado de diferentes aulas. Ademais, existe aforo está limitado a 10 nenos/as do  mesmo grupo estable de convivencia.