CEIP Raquel Camacho | Páxina oficial

O CONCERTO DE PACO NOGUEIRAS NO COLEXIO

Mér, 10/11/2021 - 21:00

Álbum: Educación Primaria 2021-2022 -> Paco Nogueiras actúa para 2º

Hoxe, grazas a Normalización Lingüística do Concello da Coruña, tivemos a fortuna de presenciar en directo un gran concerto no noso patio. Paco Nogueiras actuou para o alumnado de 2º de EP (e alguén máis que, ao lonxe, tamén bailou e cantou), interpretando temazos do seu disco Radio Bule Bule.

A rapazada desde a grada da pista verde puido gozar do espectáculo abaneando as súas bandeiriñas e pancartas.

LOGO GAÑADOR NO CONCURSO DE IDEAS

Lun, 08/11/2021 - 19:24

Taboleiro de anuncios

Xa temos logo oficial do colexio!!!

Hai unhas semanas convocouse un concurso de ideas entre as rapazas e rapaces de 5º e 6º de EP. O alumnado que máis tempo leva no colexio debía imaxinar un logo que representara o noso centro. O xurado decidiu conceder o primeiro premio ao seguinte debuxo:

Hoxe á mañá, a directora fíxolle entrega do premio e o diploma á gañadora. Parabéns, Nerea!

Despois de realizar as pertinentes adaptacións, o logo resultante (e que vai representar ao colexio nos vindeiros anos) pódelo ver ao comezo deste artigo.