COMO TÓDOLOS ANOS, NO TEMPO DE OUTONO CELEBRAMOS O SAMAÍN. GÚSTANOS MOITO DISFRAZARNOS ASÍ QUE O 31 DE OUTUBRO COLLEMOS AS NOSAS CABAZAS, A NOSA MERENDA TERRORÍFICA E OS NOSOS DISFRACES PARA VIR ASÍ Ó COLE.
Rematou outubro e chegou a data do Samaín como todos os anos polo día 31. Na nosa aula aproveitamos a realizar algunha proposta relacionada coa temática:
- Como xa comentamos na semana pasada, inventamos e creamos a nosa personaxe de medo, que lle chamamos SALTARÍN, despois dun traballo de grupo; de propostas, de acordados e debates. Presentámosvolo
Aproveitamos a exteriorizar e escribir os medos de cadaquen e logo darllos á nosa personaxe para que nos axude a superalos cos seus poderes máxicos
- Merendas terroríficas:
O momento ben o merecía, así que preparamos a nosa merenda terrorífica que cada quen escolleu e preparou cos ingredientes desexados (queixo, pan, aceitunas, pepitas de chocolate, plátano, regaliz) entre as propostas presentadas; creatividade, goce e alimento
E tamén as familias enviaron as súas ideas nas merendas das súas crianzas; viva a creatividade e imaxinación. Grazas. Exemplos:
- Cabazas terroríficas: grazas a todas as familias, as crianzas mostraban aos seus compis as súas cabazas caracterizadas de personaxes dos que gustan (Marshall, Minnie) ou típicos das datas (monstruos, pantasmas, bruxas, morcegos)
- Espectaculares disfraces para gozar dun día especial e terrorífico, normalizando o tema do medo
- En todo festexo non pode faltar a música, polo que nos xuntamos no patio para interpretar o noso "SAMAGOSTO", coa axuda instrumental de varios uqueleles e amenizado polo mestre Óscar.
Nas datas do Samaín, é tamén un bo momento para sacar os libros de medo dos estantes e ambientar as lecturas con historias máis ou menos terroríficas.
Así o quixeron aproveitar un grupo de alumnado de 5ºEP, que compartiron unhas lecturas co alumnado de infantil. Repartiron as crianzas por grupos e buscaron lugares polo centro (aula, corredor, patio, biblioteca) para contarlles as historias que escolleran, incluso algúns pintaronse as caras para caracterizarse, ou fixeron títeres para motivar e buscar a atención nos máis pequen@s; foi un momento ben interesante e bonito para ambas partes
Un ano máis, no centro celebramos a rachar o noso SAMAÍN!!
E na área de inglés o noso irmán anglosaxón, HALLOWEEN!!
Podes coñecer máis sobre a orixe desta festa no video desta publicación.
Como xa sabedes, debido á predicción meteorolóxica tivemos que cancelar a celebración conxunta do magosto.
Agradecer ás familias a vosa colaboración na xa habitual e espectacular exposición de cabazas. Así como noutras actividades planificadas; merendas terroríficas, "disfraces"... O mesmo en canto á implicación de todo oprofesorado e do espectacular equipo de cociña que temos. Que volveron a ofrecer aos nenos/as unmenú terrorífico, rico rico.
Destacar tamén a actuación intinerante polas aulas do centro da nosa "Uke-Band". Que deleitaron a todo o alumnado co noso himno oficial desta festa. O "SamaGosto".
Premendo na seguinte imaxe poderedes ir vendo un montón de momentos divertidos que viviron as vos@s pequechos!!
Aínda non están todas, pero pouco a pouco iremos achegando todas as fotos ao mesmo enlace.
REMATAMOS OUTUBRO CELEBRANDO O SAMAÍN NO NOSO COLE.
COMO TODOS OS ANOS, DISFRAZÁMONOS, FIXEMOS AS NOSAS CABAZAS,TOMAMOS MERENDAS TERRORÍFICAS E TROULEAMOS UN MONTÓN. VELAQUÍ TEDES AS FOTOS CLICANDO NA IMAXE DE GRUPO QUE TEDES ABAIXO...
O venres 29 de Outubro celebramos no cole o “Samaín”. Nesta festa de orixe celta despedimos o tempo da luz e a abundancia para dar paso ao longo e escuro inverno. A nosa homenaxe a esta tradición tan antiga vai estar repleta deactividades didácticasao longo desta semana.
Por suposto, non faltará (este ano si), a tradicional EXPOSICIÓN de CABAZAS!!
Os pequechos de Ed. Infantil e Primaria poderán desfrutar de moitas outras actividades durante esta semanar: Contos de medo, dramatizacións sobre a temática da festa, talleres de pintura...
E o vindeiro 12 de novembro, faremos o tradicional "Magosto", ao cal, debido ao protocolo COVID vixente, un ano máis, non poderán acudir as familias. A festa estará acompañada de diversas actividades a maiores da tradicional "castañada"!!
Podedes coñecer máis cousiñas sobre a orixe Celta desta festa aquí.
Ao final da festa cantaremos e tocaremos co ukelele a citada creación musical, e xa “himno Oficial”, para a celebración no Centro Educativo: “OSamaGosto”.
Mira este video e baila a danza da momia exípcia
"ORIXE DO SAMAÍN" - (VIDEO-CREACIÓNS E PROGRAMA DE RADIO ESPECIAL)
NON VOS PERDADES ESTOS DOCUMENTAIS SOBRE O LEGADO DOS CELTAS!!
Tentaremos editar unha versión reducida do recurso, pero a meirande parte do mesmo, non te desperdicio para entender a a vida dos nosos antepasados castrexos.
(Anterior banco de recursos eliminado pola problemática derivada da recente eliminación das páxinas e recursos creados coa ferramenta "flash player")
Durante a semana do Samaín, andivemos facendo diferentes actividades, algunhas máis terroríficas ca outras, para clausurar co festexo o venres 29:
- Facer un listado de personaxes e/ou elementos relacionados coa temática, que aproveitamos logo para asociar imaxe e palabra
- Visionado dun video e lectura do conto "o noso Samaín", para coñecer as raíces da festa con raíces celtas
- Creación dunha personaxe do Samaín, a nivel grupal. Isto propiciou unha recollida das propostas de cada crianza e logo facer votacións para decidir a personaxe, as partes e complementos que levaría (a actividade aínda está sen rematar)
- Decoración de cabazas coa colaboración das familias
- Elaboración de monstros personalizados
- Composición de palabras temáticas
- Deseño de disfraces individuais sobre papel
- Rimas con palabras temáticas
- Manipulación e experimentación con bandexas sensoriais, nas que debían buscar obxectos agochados entre a salsa de tomate, a xelatina, a espuma de afeitar ou o pan raiado. Parece que o tacto da salsa de tomate non gustou a practicamente ninguén e a xelatina tampouco moito, sen embrago, a espuma foi moi gozada
- Degustación de merendas de medo, que cadaquén trouxo
- Lecturas de contos de medo como "a bruxa regañedentes", ou "corre corre cabaciña"
- Goce de música de Paco Nogueiras, Mamá cabra ou Uxía Lambona, entre outras, sobre esta temática
- Apócema do Samaín, con ingredientes terroríficos e noxentos para a ocasión, e aínda que a pinta non era nada boa, houbo quen quería provala de verdade!!
Velaquí, a creación musical feita co alumnado, da canción con letra propia, e xa oficial a modo de “himno” para a celebración no noso Centro Educativo, do Samáin e o Magosto: “SamaGosto”.
Velaquí vos deixamos o video oficial:
Ésta é a primeira gravación "en ambiente" feita na aula co alumnado:
O mércores 30 de Outubro celebramos no cole o “Samaín”. Nesta festa de orixe celta despedimos o tempo da luz e a abundancia para dar paso ao longo e escuro inverno. Tamén celebraremos o magosto, e farémolo polo tanto de forma conxunta como xa é habitual en moitos coles. De ahí o nome co que vimos festexando esta data; "O SamaGosto". Nome que por certo, tamén lle da título á canción que compuxemos como "Himno desta Festividade”.
A nosa homenaxe a estas dúas tradicións tan antigas vai estar repleta deactividades didácticasao longo destas semanas. E por suposto, na data sinalada para o festexo faremos a tradicional castañada á que están convidadas todas as familias, e que estará acompañada de xogos tradicionais e como colofón final da festa, as cancións que compartimos nesta publicación.
Os pequechos de Ed. Infantil poderán desfrutar de moitas outras actividades dende o día anterior (Contos de medo, dramatizacións sobre a temática da festa, taller de pintura...
Podes coñecer máis cousiñas sobre a orixe desta festa aquí.
Aceso a un feixe de recursos INTERACTIVOS aquí ou aquí
Ao final da festa cantaremos a citada creación musical composta na área de Ed. Musical co alumnado, e xa “himno Oficial”, para a celebración no Centro Educativo, do Samáin e o Magosto: “SamaGosto”. Tamén cantaremos unha canción en Inglés, "The Skeleton dance", fomentando deste xeito o plurilingüismo e o traballo ao respecto na área de Lingua Estranxeira (Inglés) e Ed. Plástica (seccións bilingües).
