Deporte en familia.
O Courel Lugo.
A profe Rosa quere compartir con nós, unha ruta fantástica para realizar deporte en familia e actividade sá e saudable: O Courel en Lugo.
![](/centros/ceipnumero2tui/system/files/u32/20191126_121447-COLLAGE.jpg)
No mes de outubro, tivo oportunidade de visitar este fermoso lugar coa súa familia e os seus amigos.
No Courel atoparedes lugares interesantes, con paisaxes increibles, rutas que descubrir, etc...como lle pasou á profe Rosa.
A Devesa da Rogueira é unha das xoias do Courel, ten unha altura de 1363m e unha distancia de 14 km de dificultade media, está considerada como un dos mellores bosques galegos. Nela están presentes boa parte de especies de árbores, arbustos e flores de Galicia. Na parte alta da Devesa da Rogueira atoparemos as fontes do Cervo e podemos ascender ata o miradoiro do Pico Polín, que nos ofrece unhas vistas impresionantes do Courel. Nesta ruta como nas demáis, podes gozar dunha xornada de sendeirismo excepcional.
![](/centros/ceipnumero2tui/system/files/u32/20191126_121515-COLLAGE.jpg)
Ruta do Río Pequeno.Parte da poboación de Seoane do Courel, ten unha altura de 1027 metros e unha distancia de 13,5 km con dificultade alta. O sendeiro comeza a ascender pola ladeira dunha montaña entre vexetación autóctona e cruza un souto de vellos castiñeiros, ata chegar a Mercurin. A ruta continúa ascendendo permitíndonos unhas boas vistas panorámicas da Serra do Courel, os seus principais picos son Formigueiros e Pía Páxado. Despois comezamos a descender pola ladeira do val do río Pequeno, ata chegar á aldea de Paderme. Case ao final da ruta atópase o Pozo da Grada.
![](/centros/ceipnumero2tui/system/files/u32/20191126_121553-COLLAGE.jpg)
Por último visitamos Seara unha aldea que ten unha fervenza preciosa, chamada fervenza de Vieiros.
![](/centros/ceipnumero2tui/system/files/u32/20191126_121533-COLLAGE.jpg)
Podedes atopar máis información sobre o Courel se pinchades aquí.
Moitas grazas a profe Rosa por achegarnos ata este paraíso natural de Galicia.