MUAY THAI

 O pasado mes de setembro, César, mestre de Educación Física, estivo de lúa de mel viaxando por Tailandia, país fermoso situado no sureste asiático. Entre actividade e actividade, tivo a oportunidade de presenciar unha velada espectacular de Muay Thai (ou boxeo tailandés), deporte nacional e o máis popular do país.

É un deporte duro, tradicionalmente practicado polas clases baixas xa dende pequenos. Neste tipo de combate empréganse técnicas combinadas de pernas, brazos, pés, xeonllos e cóbados, ademais de barridos, suxecións e lanzamentos.