O martes 31 de outubro tivemos unha terrorífica celebración. O alumnado e o profesorado do colexio celebramos o SAMAÍN!!!. Debemos dar a noraboa ao equipo de actividades complementarias e a todo o profesorado que se implicou e traballou moi duro para que os nenos e nenas do cole disfrutaran ao máximo.
Aquí vos deixamos un vídeo resumo das actividades.
Miudiño S.Coop.Galega, ven de celebrar unha charla co alumnado de 3º a 6º de primaria, onde reflexionamos sobre que patio queremos no noso colexio. Intentaron detectar os problemas que mais lles preocupa nese tempo de lecer e nese espazo e buscaron solucións e alternativas posibles.
A cativada de hoxe en día ten cada vez menos oportunidades de elección, atopándonos cunha infancia cada vez máis dirixida en calquera ámbito da súa vida. Mais sendo, como son, suxeitos de dereito, é necesario darlles ferramentas, tempo e espazo para contribuíren coas súas opinións, desexos e necesidades á hora de intervir nese espazo común que é o patio da escola. Espazo que é maioritariamente empregado por nenas e nenos.
Por outra banda, tampouco podemos esquecer a gran contribución ao seu desenvolvemento cognitivo, sendo a reflexión, a análise, a comparación de propostas, a toma de decisións, etc, grandes estimuladores das funcións executivas cerebrais, con beneficio tamén, a medio e longo prazo, na súa construción de identidade, ademais de xerar un vínculo fermoso tanto co espazo como coas persoas adultas que acompañan ese proceso. O obxectivo final deste obradoiro é dar voz e liberdade de pensamento para poder extraer unhas conclusións a plasmar no plano do espazo, mediante o emprego de diferentes ferramentas en función da idade das persoas participantes.
O xoves 5 de outubro, o alumnado de 4º, 5º e 6º de primaria do CEIP XUVENCOS, aprenderon moito mais sobre CIBERSEGURIDADE e da importancia de ser coidadosos no mundo dixital, grazas a un contacontos musical, levado a cabo por: "Polo correo do Vento", un colectivo especializado en promover a lectura, a comprensión oral en GALEGO e o fomento da creatividade e expresión artística. Os rapaces e rapazas pasárono xenial. GRAZAS
O xoves 15 fixemos a excursión de fin de curso o alumnado de 3º, 4º e 5º de Educación Primaria.
Fomos ata a Illa de San Simón, unha illa pertencente ao arquipélago de San Simón, xunto a de San Antón na ría de Vigo. Pertence a parroquia de Cesantes, no concello de Redondela.
Primeiro collemos o barco no porto de Vigo, pasamos por debaixo da Ponte de Rande e ao chegar fixemos unha ruta de sendeirismo para coñecer a illa, xantamos e despois de xantar fixemos unha ximkana de orientación con búsqueda de pistas a través dun mapa.
O proceso de avaliación é unha parte fundamental en educación. Calificar non é avaliar. Avaliar, vai moito máis alá, e busca coñecer se todo o que facemos está sendo o correcto, ou necesitamos variar algo. Non so se avalía ao alumnado, cómo aprende, qué aprende, senon tamén o proceso de aprendizaxe, para comprobar que é o axeitado. Do mesmo xeito que os/as mestres/as debémonos avaliar constantemente; e o alumnado tamén, a eles mesmos e aos/as compañeiros/as. Por iso, vos pido o último esforzo para que me cubrades dous documentos. Un deles, o de autoavaliación do alumnado. Os mais pequenos, necesitarán axuda das familias, pero deberán contestar eles. Outro documento, para as familias, para recoller datos que considero importantes do proceso avaliativo. Estes documentos están na parte de avaliación da aplicación que mando agora. Se non podedes entrar por esta canle, mais abaixo deixo o enlace directo, e se aínda así tedes dificultades, tratarei de mandalo por whatsapp. Son dous cuestionarios, que vos deberían levar 10 minutos aproximadamente. Tamén vos deixo unha rúbrica exemplo para que vexades como avalío normalmente eu en clase de EF, cunha rúbrica de exemplo dun tema de EDUCACIÓN FÍSICA.
