VALORES

Unha parte do alumnado do Club de Lecturas "Chocolate con libros"

achegouse ata o edificio do Auditorio manter unha xornada de

convivencia coas avoas e avós do taller de memoria que organiza a

mestra Marta. Foi unha experiencia moi gratificante na que, 

despois das presentacións, a rapazada máis pequena contoulles,

en pequenos grupos o conto de "Arturo e Clementina" de Adela Turín.

Logo os avós contaron tamen outros de tradición oral,

máis tarde tivemos sesión de xogos de mesa e rematamos

todos xuntos ao compás de "A praia do Varadeiro".

No espazo argalleiro temos unha inmensidade de xogos,

tanto para xogo libre como para levar en empréstito.

É unha actividade que promove valores, aprendizaxe de

habilidades sociais, lectura de instrucións, xogo en equipo

ou colaborativo. Moitas destrezas e motivación.

Ídevos preparando que os Vagalumes xa están a piques de

estrenar a súa obra "Lula perdeu a luz". Será este venres 31

en dous pases de mañá e tarde. Entradas reservadas con invitación.

Aquí podedes velos nun ensaio no Auditorio de Cedeira, ao que temos

que agradecer o seu espazo. E por suposto a Quique Vázquez

a súa implicación, bos consellos e control da parte técnica.

Dentro das actividades deseñadas para conmemorar o Día da Muller,

o mirar de fronte e reflexionar é máis que necesario.

Propónse unha actividade onde se lle pide á rapazada que divida

o folio en dous e copien e lean unhas palabras,

que podedes ver nas fotografías. Posteriormente, se lles di que debuxen

unha persoa en cada espazo. Temos aquí os resultados. Está claro que

hai moito que traballar e conversar, escoitar

e reflexionar foi a segunda parte da actividade.

 Actividade inspirada pola mestra @la.clase.de.lore