CIENCIAS

Coincidindo co mes das ciencias e a visita de profesorado Belga,

que veu á nosa escola, os Vagalumes realizan

uns obradoiros matemáticos nos recunchos.

Nesta ligazón podedes ver outra entrada relacionada.

O alumnado de quinto crea un ventilador que funciona cun interruptor,

un circuíto en serie e en paralelo con leds e con bombillas  e fan funcionar

un zumbador (timbre) con interruptor. Na próxima actividade,

cada grupo realizará un circuito propio inventado e que funcione.

DÍA INTERNACIONAL DA MULLER E A NENA NA CIENCIA

Os Vagalumes están desexosos de usar os Patios Vivos con máis intensidade,

pero as choivas deixaron moitos desperfectos e agora toca facer unha

limpeza profunda para volver ao seu uso cotía. Estes días de sol permitiron

secar pozas e endurecer o barrizal que se formara en varias zonas,

así que puxeron luvas e mandilóns e aproveitaron o tempo. Sacaron as

herbas máis tupidas, queda pendente o lavado de testos e cubos.

Solicitaron ao Concello de Cedeira a retirada do resto das herbas

que non puideron sacar (hai que facelo de raíz para que non rebroten,

algunhas teñen pinchos). Comezaron a facer un sementeiro para adicar

unha pequena parte do patio á horta. Falaron dos tipos de plantas (árbores,

arbustos e herbas), da Camelia que temos nun dos patios...

Dende agora os Patios Vivos, estarán moito máis activos coa chegada

da Candeloria, pois metade do inverno vai fóra. Deste xeito tamén

traballaron o paso do tempo e recordaron proxectos fermosos realizados

con outro alumnado que pasou pola escola. Ciclos de vida que se repiten.

Por unha rapazada concienciada!

Os Vagalumes continúan cos grupos interactivos.

A biblioteca, centro de recursos e espazo.

Javier Calvo agasállanos cos seus coñecementos sobre

electricidade e ofrece unha charla taller ao alumnado de 3º.

Enerxía e xoguetes próximos a unhas datas con tempo para investigar.

Unha actividade enmarcada na Biblioteca Humana/Polos Creativos, 

no programa "Lectura e familas" da Asesoría de Bibliotecas.

Pasa pola BE "Carlos Labraña" para estar documentado.

Exposición Mes da Ciencia!

O alumnado espera espectante o nacemento dos bichos palos.

Por agora, adican o tempo a crear o ambiente para axeitado

para os ovos. Moita humidade e moita calor, día a día ollan,

esperando o su nacemento.

Experimentando coa densidade e as burbullas de aire no xeo.

O alumnado de 6º segue os pasos do método

científico para chegar ás conclusións.

O alumnado, guiado polo Club de Ciencias,

mergúllase nun obradoiro/experimento

onde crean area cinética e logo inventan figuras con ela.

Por suposto experimentaron as súas propiedades: sempre húmida,

moi modelable, apégase a ela mesma...

Experimento, xogo e risas acompañaron a actividade!

Agora xa poden experimentar en familia!

A biblioteca non só oferta recursos para a lectura, somos unha biblioteca LÍA,

o que a configura  como un espazo de aprendizaxe dotado de recursos que favorecen

as metodoloxías activas e colaborativas, brindando experiencias de aprendizaxe inclusivas e equitativas.

Esta é unha mostra traballando no espazo web Penyagolosa Educa. Unha boa ferramenta para traballar o cálculo.

A NOSA BIBLIOTECA ENCHEUSE DE CIENCIA EN GALEGO DURANTE O MES DE NOVEMBRO:

EXPOSICIÓN DE LIBROS,

CREACIÓN DE TECNOLOXÍA ASEQUIBLE A TRAVÉS DO PROXECTO "ESCORNABOTS NA BIBLIOTECA ESCOLAR"

E CHARLAS DIVULGATIVAS POR PARTE DO ALUMNADO DE FP BÁSICA DO IES PUNTA CANDIEIRA.

MOITAS GRAZAS POR COMPARTIR O SABER!

NA NOSA BIBLIOTECA APRENDEMOS UN MONTÓN DE COUSAS.

NESTA OCASIÓN VISITOUNOS ANDRÉS (o papá de Irene) PARA AMOSARNOS COMO FUNCIONAN OS IMÁNS E DEIXARNOS TOCAR, PROBAR, EXPERIMENTAR...