Ao longo de todo o curso realizaremos un proxecto sobre Georgia O´Keeffe, unha pintora norteamericana caracterizada por pintar nos seus cadros flores moi chamativas e paisaxes do deserto.
Para coñecela mellor preparamos un libro viaxeiro bilingüe que visitará cada semana a casa dun alumno/a. A mestra encargarase de preparar as páxinas co texto en galego e en inglés. Cada neno/a completará os datos que faltan coa axuda da súa familia. Poden usarse as técnicas que se queiran: fotografías, debuxos, collages, letras recortadas... Todo o que a imaxinación permita!
A medida que se vaian completando os traballos, iremos publicando as fotos aquí mesmo, para que todos desfrutedes dos resultados.
COMEZA A VIAXE!!!
Esta é a portada e a páxina de inicio coa explicación do proxecto.
Xoves 4 de decembro de 2014
Xa temos o primeiro traballo. O encargado de facelo foi Mateo A. A el correspondeulle buscar o nome completo da pintora.
Mirade que ben o fixo!!!
Xoves 11 de decembro de 2014
Continuamos co proxecto. Esta semana Laura encargouse de investigar o lugar e a data de nacemento.
Realizou un traballo xenial!
Luns 12 de xaneiro de 2015
Nesta ocasión Valeria buscou a profesión de O´Keeffe. Logo, decorou a páxina cos diferentes materiais que emprega no seu traballo.
Fantástico!
Luns 19 de xaneiro de 2015
A investigación sobre Georgia O´Keeffe continúa vento en popa. Hugo averiguou o nome do seu marido e o ano no que se casaron.
Botádelle unha ollada a todas as fotos que encontrou!
Luns 2 de febreiro de 2015
Xa sabemos moitos datos da vida desta fantástica pintora. Sebastián descúbrenos o lugar no que traballou e viviu durante anos.
Ben feito!
Martes 10 de febreiro de 2015
Grazas a Lucía descubrimos unha das cidades máis importantes na vida e na obra de Georgia e o ano na que a visitou por primeira vez.
Bonito traballo!
Venres 6 de marzo de 2015
O libro sobre Georgia segue a súa viaxe polas casas dos alumnos/as de 2.º curso. Rodrigo buscou o tempo que viviu en Novo México e a data do seu falecemento.
Mirade que ben realizou a súa páxina!
Xoves 26 de marzo de 2015
A viaxe que estamos a percorrer lévanos a coñecer unha das temáticas máis importantes na obra de Georgia. Mateo P. averiguou a importancia que teñen as flores nas pinturas desta interesante pintora.
Bonito resultado!
Xoves 23 de abril de 2015
Seguimos a nosa investigación... Leo achéganos outra temática presente nos cadros de Georgia O´Keeffe: o deserto.
Moi ben!
Martes 5 de maio de 2015
Xa queda pouco para rematar o noso proxecto, pero antes, Daniela buscou outro dos elementos máis característicos dos cadros de Georgia: as calaveras de animais do deserto. Ademais amósamos unha das súas obras máis famosas e explícanos o signficado da mesma.
Bo traballo!
Mércores 13 de maio de 2015
Despois dunha longa viaxe, poñemos punto e final á nosa investigación co traballo de Karen, unha fantástica páxina na que buscou o número de obras que pintou Georgia O´Keeffe.
Estupendo!
A calidade dos traballos é fantástica. Esperamos que vos parecera unha proposta interesante!!!
Moitas grazas a todas as familias pola participación nesta actividade!!!
Podedes ver o libro na exposición da III Semana da Arte. O vindeiro curso pasará a formar parte dos fondos da biblioteca.