Educación infantil, Aula das nubes, Aula dos Peixiños, O planeta dos elefantes, Psicomotricidade infantil, Atención educativa (valores)
En plena función!
Enviado por goretti o Mér, 12/09/2020 - 20:57Ola familia, hoxe queremos ensinárvos algunhas das cousiñas que fomos facendo ao longo do proxecto do circo.
Unha das aprendizaxes foi saber o nome do lugar onde actúan os artistas, A PISTA. Nós fixemos a nosa empregando xiz de cor amarelo e sal. Mirade que ben o fixemos e que chulo nos quedou!
Tamén vimos que na entrada do circo hai flocos de millo e algodón de azucre, e nós quixemos facer uns flocos de millo. Pintamos a caixa para eles, pegámos algodón para facer que eran os flocos e logo con témpera amarela, auga e un contagotas démoslles algo de cor.
Logo fomos coñecendo diferentes artistas do circo e imitando algo do seu espectáculo.
Unha compañeira trouxo uns instrumentos musicais que nos encantaron, puidemos tocalos e agora témolos durante uns días na clase e seguimos empregándoos para facer que somos os músicos do circo.
E fixemos un pequeno instrumento para levar para a casiña, unha MARACA!
Outro dos artistas que traballamos foi o funambulista e mirade que fixemos na clase de psicomotricidade...
Tamén malabaristas...
E falando de malabaristas, vamos a presentar a TITO O MALABARISTA. El é o protagonista do conto "Tito malabarista" que perde o nariz e anda na busca dun novo. Agora acompáñanos sempre na asamblea, o encargado do día elixe o nariz que lle quere poñer (forma e cor) e tamén se lle poñemos garabata (grande ou pequena) ou paxarela (grande ou pequena). Así traballamos formas, cores e tamaños. Temos ao Tito da asamblea, pero temos outros dous mais para poder xogar con el e coas formas cando nos apetece. Gústanos moito!!
Deixámosvos aquí o conto para que lle botedes unha ollada.
Aburiño!
Atención educativa infantil (valores)
Enviado por Anónimo o Mar, 12/01/2020 - 17:09O OUTONO VAI CHEGANDO AO SEU FIN...
Enviado por goretti o Lun, 11/30/2020 - 21:30Levamos un tempo traballando esta estación do ano e queremos ensinárvos algo do que fixemos.
Como no outono chove moito, fixemos unhas nubes con algodón e pintura azul e puxémoslle unhas pingas de auga. Gustounos moito, porque o fixemos coas mans e enchelas de témpera chíflanos!
Fomos coñecendo diferentes froitos do outono: castañas, noces, mazás, landras,... e puidemos tocalos, facer xogos con eles e incluso os probamos. Como somos uns artistas collemos imaxes de diferentes froitos, témperas das cores do outono e esponxas, e mirade que cousa mais chula fixemos!
Tamén temos a clase chea de follas e ramas de diferentes árbores: castiñeiros, carballos, abeleiras,... Algunhas están verdes, outras amarelas, vermellas e marróns. Con elas fixemos algunha cousiña como rachalas e pegar anacos na inicial do noso nome ou uns animaliños do outono.
Falando de animais... un día pola mañá tivemos unha gran sorpresa! Chegamos á aula e había unha caixa cuns buratiños, a cal a mestra abriu cando entramos todos. Dentro dela había cinco caracois!! Estivemos tocándolles e mirando o rastro que deixaban por onde pasaban coas súas babas. Decidimos que se quedarían uns días con nós e que os tiñamos que coidar, por iso no patio moitos buscábamos herbiñas para que comesen. A mestra Elvira tamén lles daba leitugas e gustábanlles moito! Logo decidimos levalos ao xardín, xa que alí estarían mais contentos.
E sabedes que temos na aula? A comidiña que come o Polo Pepe, MILLO. Temos unhas mazorcas de millo e aprendemos a quitar eses grans de millo da mazorca. Descubrimos que segundo o lugar onde vivas se lle chama de diferente forma, uns din degrañar e outros debullar.
Mirade si o fixemos ben que decidimos aproveitar os grans para traballar a inicial do noso nome!
Para seguir traballando o nome decorámolo con selos de animais de outono (esquíos, ratiños, marmotas,...), logo collemos unhas esponxas con forma de círculo e decoramos coas cores do outono.
Estas son algunhas das cancións que cantamos durante a asamblea:
Hoxe, para rematar co outono lemos este conto e gustounos moito!
Rutinas da aula
Encargad@ do día.
Traballando ...
Hora da merenda
Xogamos no patio ...
.
Xogos na clase ...
Psicomotricidade
Enviado por Anónimo o Xov, 11/26/2020 - 11:05Benvid@s
Ola familias !
Benvidas ao blogue de 5º de educación infantil, aquí atoparedes moitas das actividades que realizaremos o longo do curso, co fin de achegar a vida do colexio as vosas casas.
Espero que disfrutedes moito cos nen@s das súas experiencias.
Teresa
Benvida
Ola familias!
Benvidos ao blogue de 6º de Educación Infantil, aquí podedes ver algunhas das actividades e vivencias que realizaremos durante o curso.
Desexamos que disfrutedes ao visionalo na casa. E se é en compañía dos vosos fill@s, mellor.
Montse
Somos uns pallasetes!
Enviado por goretti o Mar, 11/24/2020 - 21:23Esta semana estamos a traballar os pallasos e estivemos probando diferentes complementos que empregan para o seu espectáculo: perrucas, narices que nos trouxo unha compañeira como agasallo,... e pasámolo xenial!
Despois do recreo tivemos a visita inesperada dun gran MALABARISTA e MAGO, o mestre José Antonio. Como un paxariño nos dixo que sabe facer malabares, démoslle tres pelotas para que nos ensinara o ben que o fai. Logo tamén nos fixo uns trucos de maxia. Quedamos abraiados e xa estamos desexando que volva visitarnos pola nosa clase!
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »