CEIP Plurilingüe Mestre Rodríguez Xixirei

SOLICITUDE DE RESERVA DE PRAZA NO IES DE SAR- CENTRO ADSCRITO- ALUMNADO DE 6º DE EDUCACIÓN PRIMARIA

Dende o 16 de xaneiro ata o 6 de febreiro, está aberto o prazo de Reserva de praza para o alumnado de 6º curso de primaria que desexe continuar os seus estudos no IES de Sar. 

Para presentar unha solicitude deberá seguir algunha das opcións descritas a continuación:

1.    Cubrir a solicitude online e presentala asinada de xeito manual no centro:
Para presentar a solicitude presencialmente no centro deberá entrar e seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que deberá cubrir os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e poderá descargala para asinar e presentar no centro. (Enlace https://www.edu.xunta.gal/admisionalumnado/PaxinaInicio.action).

2.    Cubrir a solicitude informaticamente e asinala en Sede Electrónica: 
Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba a dereita . Posteriormente deberá seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que ten que indicar os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e posteriormente premendo no botón "Firmar e presentar en Sede Electrónica", poderá firmar a solicitude dixitalmente, quedando como presentada no centro, sempre que o proceso de firma remate correctamente.

IMPORTANTE: Debe achegar, na Sede Electrónica da Xunta de Galicia o anexo I bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, ultima páxina da solicitude que pode visualizar e descargar nesta aplicación).

Debe achegar escaneada toda a documentación pertinente á hora de presentar solicitude.
 

3.    Cubrir a solicitude manualmente e presentala asinada presencialmente no centro: 
Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro.

O resto do alumnado, desde infantil ata 5º primaria, que este ano estivo matriculado no noso centro, ten reservada praza de oficio no centro polo dereito de Permanencia

Estimadas familias:

Xa de novo no centro escolar, escribimos para pedir, e logo poder ofrecer.

Temos o "Banco de Aveños" onde podemos ir "cedendo" distintos materiais e utensilios que xa non usades, maiormente porque van medrando as crianzas, e outras mais pequenas do centro poden reutilizar.

O que solicitamos son:

- Roupa de augas (Botas de auga, chuvasqueiros, pantalóns ou monos+botas incorporadas todo impermeable, que estea nun estado aceptable para que o continúe a gastar outra crianza).
- Mandilóns para infantil (se non están moi magullados, valerán para seguir pintando e pringándose)
- Libros do currículo escolar (xa sexan das lecturas recomendadas ou dos propios cursos, que poidan ser reutilizados)

Neste momento ofrecemos:

- 4 pares de botas de auga, das tallas 22, 23, 25 e 33.
- Moitos patíns, para a extraescolar de patinaxe, que publicaremos cando se oferten as actividades.

Para ofrecer calquera material so tendes que cubrir este sinxelo formulario:
https://form.jotform.com/210883794430359

Para solicitar as botas que hai agora mesmo, so tendes que escribir un correo-e a material.landras@gmail.com e xa vos poñen en contacto co doador para que fagades a entrega.

Para solicitar material o único requisito é ser do Xixirei.

Moitas grazas.

ANPA LANDRAS