6º Curso

O xoves 4 de abril de 2023, o alumnado de 5º e 6º de Ed. Primaria participou nun obradoiro de xogos populares que desenvolveu “Lito”, da fundación Xaquín Lorenzo, no noso centro dende ás 12:00 ata ás 14:00 horas. Os xogos que realizaron o alumnado de 5º e 6º de Educación Primaria  foron xogos de chave e a rá así como xogos de mesa.

Coma sempre, pasámolo xenial!! Xa estamos agardando a que regrese para unha nova sesión de xogos.

O mércores 3 de abril 2024 o alumnado do Conservatorio de Ourense (CMUS) ensinou ao nos alumnado diversos instrumentos de corda e vento amosando o ben que tocan.
Foi unha experiencia marabillosa que nunca esquecermos.

Un roteiro literario polo patio do cole

O pasado 22 de marzo, o noso colexio encheuse de versos e aromas primaverais coa celebración conxunta do Día da Poesía e da Árbore. Nesta ocasión, quixemos unir ambas efemérides nunha actividade orixinal que fusionou a creatividade poética coa apreciación pola natureza.

Ao longo da semana previa ao evento, cada curso do colexio embarcouse na emocionante tarefa de crear un poema dedicado a unha das árbores que adornan o noso patio. Desde o maxestosa senlleira sobreira, emblema do noso centro, até os coloridos rosais do espazo rosaliano, cada árbore converteuse en musa inspiradora para o noso alumnado.

Os poemas resultantes foron recopilados nun gran cartaz en forma de libro, titulado "As árbores do Sueiro", situado no corredor que conduce á biblioteca. Este mural converteuse nun espazo de encontro entre a literatura e a natureza, un lugar onde as palabras e as follas únense para celebrar a beleza da nosa contorna.

O 22 de marzo, a maxia cobrou vida cun roteiro literario polo patio. Guiados polos seus mestres e mestras, o alumnado de cada clase percorreu as diferentes árbores, recitando con entusiasmo os poemas que tiñan creado e traballado na aula. Os versos resoaron entre as ramas, enchendo o aire de sensibilidade e emoción.

O roteiro tivo o seguinte itinerario:

• Sobreira senlleira. Mestres titores
• Ameixeira. Alumnado de 5º EP
• Eucalipto. Alumnado de 4º EP
• Pradairo. Alumnado de 6º EP
• Cerdeira. Alumnado de 6º EI
• Bidueiro. Alumnado de 3º EP
• Palmeira. Alumnado de 2º EP
• Maceira. Alumnado de 5º EI
• Pereira. Alumnado de 4º EI
• Amendoeira. Alumnado de 2º EP
• Espazo rosaliano. Mestres especialistas
• Kumquat. Alumnado de 5º EP

O broche de ouro púxoo a chegada ao espazo rosaliano, onde toda a comunidade educativa se reuniu para escoitar a recitación do poema "Dicen que no hablan las plantas" de Rosalía de Castro. Rodeados de rosais a punto de florecer, as palabras da poetisa galega resoaron con especial forza, recordándonos o poder transformador da poesía e a beleza da natureza.

Esta iniciativa, que combinou aprendizaxe, creatividade e conexión co entorno natural, foi un éxito rotundo entre o alumnado e profesorado. Celebramos a unión da poesía e a árbore nun día memorable que nos brindou a oportunidade de explorar a beleza do linguaxe e a importancia de coidar o noso medio ambiente.

Parabéns a todas as persoas participantes pola súa creatividade e entusiasmo!

O Día Internacional da Felicidade enche de cor o noso colexio!

O 15 de marzo, adiantamos a celebración no noso colexio do Día Internacional da Felicidade cunha iniciativa, organizada polo EDL en colaboración co equipo de biblioteca, chea de creatividade e cor: unha galería de arte con cartaces alegóricos realizados por cada un dos nosos alumnos e alumnas.

A actividade, enmarcada no proxecto de inclusión do centro, convidou aos estudantes a reflexionar sobre o que lles fai máis felices. Desde pequenos detalles cotiás ata grandes soños e aspiracións, os carteis plasmaron a diversidade de emocións e experiencias que conforman a felicidade para cada neno e nena.

Familias, profesores e persoal do centro poden desfrutar da exposición, que encheu de ledicia e positividade os corredores do colexio. Os nenos e nenas orgullosos e orgullosas das súas obras, explicaron con entusiasmo as súas creacións e compartiron cos seus compañeiros que lles fai sorrir.

Esta iniciativa non só fomentou a creatividade e a expresión artística do alumado, senón que tamén reforzou a importancia da felicidade como un valor fundamental na vida.

Parabéns a todos por unha celebración chea de cor e ledicia!

O xoves 7 de marzo de 2024 o alumnado de 5º e 6º de Educación Primaria acudiu a inauguración a exposición que leva o nome de FLORA, no edificio de ferro do campus de Ourense centrado na educación dunha nena na sociedade tradicional. 

Esta acción está coorganizada pola Concellería de Educación do Concello de Ourense e a Facultade de Educación e Traballo Social da Universidade de Vigo, no marco do 8-M, Día Internacional das Mulleres 2024. 

A exposición FLORA recolle documentos orixinais e reflexións sobre o que foi a formación da muller na sociedade tradicional, particularmente no franquismo; unha educación que transmitía unha imaxe baseada na diferenciación e exclusión, características do sistema educativo durante o século XIX e boa parte do XX. 

Na exposición amósanse libros de texto e material escolar, que orientaron a educación da muller no pasado, unha realidade ben distinta das expectativas de igualdade que reivindican as novas políticas de xénero. 

A exposición estrutúrase en seis secciones que mostran as distintas facetas da educación da muller tradicional fomentadas pola escola podendo verse os diferentes paneis sendo os seguintes: 

a) A muller adscrita ao fogar e á maternidade.

b) A formación na economía doméstica.

c) A costura e o bordado. 

d) As regras de urbanidade. 

e) O comportamento feminino, circunscrito ás diferentes clases sociais.

f) Modelos de muller exemplar que lles son transmitidos ás nenas a través da lectura e da escritura.