1º Curso

PDI. 1º EDUCACIÓN PRIMARIA.

Ven, 17/05/2024 - 06:05 — admin

PDI 1º EDUCACIÓN PRIMARIA.

O Curso 2023/2024 o P.D.I. do CEIP Manuel Sueiro centraráse nos obxectivos do desenvolvemento sostible 2030. O grupo de 1º de Educación Primaria, decidiu centrar o seu Proxecto Documental Integrado (PDI) no 3º obxectivo na procura dunha vida sana e promover o benestar para todos e todas as idades.
O porqué deste traballo integrado :
•Aumenta a motivación.
•Máis creatividade e a aprendizaxe.
•Mellora a comunicación e reduce a tensión.
•Mellores resultados, aumentando a eficiencia e a produtividade.
Traballamos os seguintes OBXECTIVOS:
•Construír confianza co alumando e coas actividades propostas por eles.
•Crear sentido de pertenza.
•Involucrar ao alumnado na toma de decisións.
•Buscar o entendemento entre partes.
•Impulsar a comunicación.
•Aproveitar a diversidade.
•Celebrar os éxitos do grupo.
•Favorecer o compromiso mutuo e a responsabilidade compartida.
Ademais dos obxectivos, os obxectivos que se perseguiron con este proxecto documental integradoson os seguintes:
Obxectivo xeral:
•Ser capaz de coñecer e identificar as súas emocións e interpretar os seus sentimentos e así poder xestionalos como instrumento de mellora da convivencia cos demais sendo una das ferramentas fundamentais para mellorar o autoconcepto e a autoestima.
•Tomar conciencia do valor que teñen os elementos da natureza e do planeta.
Obxectivos específicos:
1.Recoñecer e identificar as propias emocións en distintas situacións.
2. Interpretar o que sentimos en diferentes momentos da nosa vida.
3. Recoñecer as emocións e sentimentos positivos propios, como ferramenta para mellorar a nosa autoestima e autoconcepto.
4. Coñecer as características dos alimentos ( grupos de alimentos, calidades, nutrientes,..)
5. Coñecer as recomendacións nutricionais ( por grupos de idades, por hábitos de vida…)
6.Coñecer que enfermedades pódense contraer en caso de non comer axeitadamente.
7. Fomentar o exercicio físico e a práctica do ocio activo.
8. Fomentar el reciclado , reducción..
9. Promover el funcionamiento de huertos.
Contidos:
1.Diferentes emocións: tenrura , amor, odio, tensión felicidade, tristeza, medo asombro…..
2.As características que definen a persoa: .
3.O respecto aos outros. O rexeitamento dos casos de abuso, ciberacoso, marxinación e exclusió
4.O respecto dos dereitos humanos e os dereitos da infancia:.
5.O respecto da diversidade cultural e das tradicións.
6.O diálogo e a argumentación na toma de decisións en común e a resolución pacífica de conflitos.
7.O recoñecemento da diversidade de valores, fins e modelos de vida e o respecto aos proxectos persoais dos outros.
8.Hábitos saudables relacionados co benestar físico do ser humano: hixiene, alimentación variada, equilibrada e sustentable, exercicio físico, contacto coa natureza, descanso e coidado do corpo como medio para previr posibles enfermedades.
Criterios de avaliación:
1.Interactuar cos outros adoptando condutas cívicas e éticas orientadas polos valores comúns, a partir do coñecemento, dos dereitos humanos e dos principios constitucionais fundamentais .
2. Xestionar equilibradamente pensamentos, sentimentos e emocións e desenvolver unha actitude de estima e coidado de si mesmo ou si mesma, dos demais e da contorna.
3. Construír un adecuado concepto de si mesmo ou si mesma en relación cos demais e coa natureza.
4. Amosar un xeito de convivencia democrática, xusta, inclusiva, respectuosa e pacífica, a partir da investigación e da comprensión da natureza social e política .
5. Reflexionar e asumir un compromiso activo e crítico con valores relativos á solidariedade e ao respecto ás minorías e ás identidades etnoculturais e de xénero.
6. Desenvolver unha posición crítica e participativa con respecto ao noso modelo de consumo, a relación coa natureza e a utilización sostible dos recursos naturais.
Indicadores de logro ou desempeño.
1.Coñecer e enumerar distintas emocións.
2.Identificar diferentes feitos que poden producir una mesma emoción.
3.Enumerar distintos modos de actuación ante unha mesma emoción.
4.Analizar situacións reais, identificando a emoción producida e a resposta ante a mesma.
5.Definir estratexias e/ou ferramentas para anticiparse á resposta ante unha emoción.
6.Practicar a empatía nas relacións cos demais como instrumento para mellorar a convivencia cos outros.
7.Describir modelos de comportamento propios baseados en emocións e sentimentos positivos.
8.Identificar os elementos da natureza e do planeta.
9.Describir o papel que temos en coidar o medio ambiente que nos rodea e no resto do mundo.
10.Realizar unha acción de coidado do medio ambiente que podamos compartir co resto da contorna educativa e comunitaria.
11.Identificar e recoñecer a importancia de protexer a biodiversidade no planeta que habitamos.
12.Describir as consecuencias que ten a sobreexplotación dos recursos naturais no medio ambiente.
13.Participar na defensa do medio ambiente.
14.Desenvolver unha posición crítica e participativa con respecto ao noso modelo de consumo, a relación coa natureza e a utilización sostible dos recursos naturais.
15.Promover accións de mobilización e incidencia polo coidado do medio ambiente nas nosas contornas educativas e comunitarias
Número de sesións: Traballarase dentro da aula en todo momento, pero de forma específica adicaráselle sesión de 50 minutos .
Temporalización: Durante todo o curso en sesións de 50 minutos.
Metodoloxía: A metodoloxía será dinámica, participativa e lúdica, sen esquecer os nosos propósitos.
Traballarermos alternando a organización do traballo individual, por parellas, en pequeno grupo ou en grupo clase. Contaremos cun recuncho para os materias dentro da aula e cun espazo no corredor para a exposición dos traballos realizados.
A metodoloxía dará resposta aos principios de actividad e motivación, conxugándose co o interés e a intuición.
As actividades realizadas ao longo do curso centráronse na lectura e realización de diversos murais e traballos en grupo dos seguintes contos:
1º Trimestre:
•Luuume!!,
•El cazo de Lorenzo,Isabelle Carrier
2º Trimestre:
•El hilo invisible, Miriam Tirado
•¿Somos lo que comemos? DK edit.
3º Trimestre:
•El pez Arcoiris, Marcus Pfister
•Xela,a superheroína da aldea, Inma Soto
Traballouse en todo momento a saude e o benestar , utilizando :
o xogo como medio para facerlles confiar nas suas capacidades, ser curiosos e experimentar.
Traballamos a aceptación do propio corpo.
realizamos todos os dias un ratiño de Midfulness , para nenos.
AVALIACIÓN:
Será continua integradora, e dicir atendendo as diferencias entre o alumnado, baseada na observación diaria , cun rexistro de ítems. Na táboa indícanse os seguintes astectos: S- si, N-non, Me- mellorable
Avaliación profesorado: (Si, non, mellorable).
A experiencia resultou satisfactoria?
Cal foi o sentir do alumnado?
Os nenos/as foron protagonistas?
Participaron as familias?
Foi axeitada a temporalización?
Acadáronse os obxectivos específicos propostos?
As actividades resultaron atractivas?
Os recursos proporcionados pola biblioteca foron os axeitados?
A metodoloxía de aprendizaxe por proxectos resulta ben?
Desenvolvemos os obxectivos iniciais?
O proxecto aplicase a vida cotiá do alumnado?
Avaliación alumando: (Si, non, mellorable).
A experiencia resultouche satisfactoria?
Te consideraches que fuches o protagonista da actividade?
A túa familia axudouche a entender os libros?
Deuche tempo a ler cada un dos libros?
Gustáronche os libros?
Serías capaz de aplicar o que aprendiches para conseguir novos amigos/as?

Resultouche interesante o que liches nos libros?
Como conclusión, conseguimos ter un grupo unido, onde todos os nenos se axudan entre .Destacar a valoracion positiva e necesaria que fan da realización de pequenas sesións de mindfulness para a súa saude e benestar.

HORA DE LER. 1º EDUCACIÓN PRIMARIA.

Ven, 17/05/2024 - 05:57 — admin

Hora_ler

HORA DE LEER

O curso escolar 2023/2024, a hora de ler, realizouse todos os días despois do recreo co obxectivo prioritario Contribuír ao fomento do gusto pola lectura.
A configuración da hora de ler estará deseñada pola mestra Marta Herrán López, titora de 1º E.P. os luns, xoves e venres e Mª del Mar Pereira Gil os martes centrándose nos seguintes obxectivos
Obxectivos:
•    Desfrutar dos nosos contos preferidos.
•    Reducir o estrés, mellorar a concentración e incrementar o benestar emocional do alumnado a través de prácticas como o mindfulness e o yoga.
•    Traballar os valores de respeto á natureza, amizade, tolerancia e compañerismo entre outros.
•    Mellorar a lectura (comprensión e expresión lectora)
•    Desenvolver a súa creatividade a través da expresión plástica.
•    Ampliar o vocabulario a través dos contos.
•    Traballar as emocións a través dos contos.
•    Traballar a poesía.
•    Coñecer as partes do cómic.
Actividades.
•    Selección dos contos que lle gusten aos nen@s para traballar a saude e benestar un dos obxectivos de desenvolvemento sostenible.
•    Lectura dos contos que @s nen@s traen da súa casa para compartilos cos seus compañeiros.
•    Actividades de mindfulness antes de empezar a lectura para que l@s niñ@s estén máis concentrados e atentos na tarefa.
•    Actividades de ioga para traballar os medos e inseguridades.
•    Ler o conto en voz alta entre todos, a mestra ou algún compañeiro.
•    Dramatizar algún dos conto.
•    Actividades plásticas e creativas dos contos que traballamos.
•    Escoitar o conto contado por outras persoas.
•    Lemos poesía.
•    Creamos poemas para o día da poesía.
•    Iniciamos no cómic coñecendo as súas partes: viñetas, globos, espazo do narrador, onomatopeas, símbolos e liñas de movemento.
•    Ler os contos que traemos para os nosos proxectos e aproveitalos para traballar algún contido que nos interese.
Temporalización.
Na hora de ler, que se realizou todos os días despois do recreo, de 12:00 a 12:20 traballamos os seguintes contos:
1º trimestre:
O primeiro conto que traballamos foi "Luuume". Comezamos coa xestión de emocións: Mama Pinza, Papa mestra Novelo e os seus amigos apagan o lume de Mixto e fanlle entender que enfadarse non é malo, o que non está ben é que a ira se apodere de ti. Como unha das mensaxes centrais destacouse a importancia de comprender as emocións e aprender a xestionalas. Despois de moitas lecturas, de comprender o conto, traballamos os personaxes (como falan, como se moven...) fomos a realizar unha representación aos compañeiros doutras aulas na biblioteca. Tamén fixemos unha bonita manualidade de todos personaxes que podedes ver neste enlace:https://www.edu.xunta.gal/centros/ceipmanuelsueiro/node/2343. E comenzamos as técnicas de respiración, aprendendo a manter a calma mediante prácticas de mindfulness.
Tamén fixemos durante o Samaín 4 sesións de ioga para traballar os medos.
1º SESIÓN: Cando temos medos estamos fronte a algo que pensamos que é perigoso. Os medos son moi importantes porque nos protexen dos perigos, pero claro, as veces temos medos de cousas que non existen, que están na nosa imaxinación, algo que vimos nunha película pero que non ten nada que ver coa nosa realidade (de onde estamos e do momento no que nos atopamos). De aí a importancia de usar os ANTIMEDOS para que o medo non chegue a paralizarnos. Cando temos un pouco de medo o noso corazón vai un pouco máis rápido e aparécenos pensamentos negativos e con un pouco de drama (imaxinamos o peor que nos poden pasar). Cando temos un pouco máis de medo xa nos sentimos máis nerviosos, o noso corpo está máis tenso pero ainda podemos saír correndo e actuar. Pero cando sentimos moitísimo medo, este paralízanos e deixamos de facer cousas que nos gustan por esta emoción, aquí tamén nos poden axudar os ANTIMEDOS. Imos facer unhas sesións de IOGA para que estos medos non nos paralicen pero antes elaboramos unha lista de cousas que nos dan medo. Xa tes a lista feita? Pois agora imos coller 3 cores e rodeamos cunha cor o que nos da moito medo, con outra o que nos da pouco medo e coa última o que nos da medio medo. Unha vez teñamos feita a lista deixámola e comezamos a nosa clase de IOGA. Levantados e estirados na postura da montaña pomos a man dereita no noso corazón e aí respiramos. Cando temos medo sentímonos moi pequeniños e deixamos de confiar. Para confiar tapamos os ollos cun pano, comprobamos que non vemos nada e camiñamos se temos esterilla no borde da esterilla cos pes descalzos e senón arredor das mesas da nosa aula. Despois colocámonos no medio da esterilla e facemos un saúdo ao sol cos ollos pechados (entro no meu corazón, saúdo ao sol, saúdo á terra, como un sapo que salta a auga, arrástrase como unha serpe sssssssss, camiñando subo cara a montaña, ráscome as pulgas dunha perna, logo da outra e o sapiño volve saltar, adeus terra, adeus sol e volvo ao meu corazón) Que tal foi? Cada vez que facemos algo cos ollos pechados temos que confiar moito e entón é un ANTIMEDO moi efectivo.
2ª SESIÓN: Como podemos facer co noso corpo para non sentir tanto MEDO? Posturas fortes e valentes. Queredes aprender alguna? Precisamos un dado e respiramos na postura as veces que nos saen no dado.
1º Postura da árbore: é unha postura de forza e equilibrio que nos axuda a enraizar e sentirnos tan seguros coma umha árbore. Tiro o dado e respiramos as veces que nos toca. Unhas respiraciones nun lado e otras no outro.
2ª Postura do/a bailarín/a: Podemos usar a parede se perdemos o equilibrio (collemos o pe dereito coa man dereita e inclinámonos un pouquiño cara adiante, despois co outro pé)
3ª Postura do avión: unha perna estirada e a outra apoiada e os brazos na cadeira, primeiro cunha perna e despois coa outra. Tiramos o dado.
4ª Esta última e a máis complicada e tamén nos vai axudar a superar os nosos medos. Sentámos coa espalda apoiada na parede e tocamos os talóns. Despois colocamos as nosas mans onde están os nosos talóns na parede. Colocamos o interior dos cóbados mirándose e despois subimos con coidado a parede. Xa atemos máis confianza co noso corpo.
3ª SESIÓN
Quen é o animal máis valente? O LEÓN. Pois imos respirar coma él para sacar os nosos medos que non son reais. Sentados coas nalgas nos talóns collemos moito aire e ao exhalar soltamos un ruxido de león quitando todos os medos do noso corpo (mirando cara arriba e sacando a lingua cara abaixo) Repetimos as veces que nos fagan falta ata que xa non quede ningún rastro de medos.
4ª SESIÓN:
E coa nosa MENTE que pasa?
Cando temos moito medo temos moitos pensamentos e a maioría son negativos. Para limpar todos estos pensamentos a min axúdame moito RESPIRAR.
Temos 4, 5 obxectos por exemplo unha piña ou calquera cousa do outono que atopamos no bosque, unha pedra ou unha concha que colleramos na praia, un pauciño, unha folliña. Colocamos os obxectos nun lado e coas pernas dobradas en postura de ioga imos collendo os obxectos, colocámolos entre o peito (onde colocamos as mans para facer o aummm) e respiramos e imos deixando os obxectos no outro lado. A pedriña ten unha mensaxe moi especial, está escrito (Non teño medo, moi valente son) Esta frase vainos a axudar para os nosos medos así que repetímola varias veces (non teño medo coas mans no peito, moi valente son levantamos os brazos cara arriba e coas mans estiradas) Repetimos as frases por dentro e sen xentos. Repetir estas frases axúdanos a ter menos medos, a ter pensamentos máis positivos e sen medos no noso corazón. Teño máis confianza incluso se camino cos ollos pechados. Agora que xa fixemos estas actividades ANTIMEDOS volvemos a coller a nosa lista e agora podes ver se estas cousas che siguen dando tanto menos coma antes ou se alguna xa non che da medo. Revisámola e guardamos esta lista na nos casa nunha caixiña ou nun sitio para sacala e apuntar os novos medos que van aparecendo e seguimos revisándoa. Acórdate de facer as actividades ANTIMEDOS para que fuxan. Para rematar a sesión cantamos: Eu son único, eu son magnífico/ non hai ninguén coma min.Ti eres único, ti es magnifico/ Non hai ninguen coma ti.
2º trimestre:
Grazas. Historia dun rueiro; conta a historia sobre a convivencia e as relacións humanas. Unha historia sobre todos nós. Por mor dunha avaría inesperada, a vida do rueiro vai mudar totalmente. Grazas á curiosidade e á empatía, os veciños e veciñas van chegar lonxe, moi lonxe. E farano xuntos. A partir do conto, ademais de desfrutar da súa lectura, traballamos a comprensión e a descrición dos seus personaxes (como son, como van vestidos, que é o que lles gusta facer, onde viven…) e aproveitamos esa actividade para coñecer a nosa contorna, onde vivimos nós, como é a nosa casa nosos/as compañeiros/as.Disfrutamos coloreando e facendo os debuxos dos seus maravillosos personaxes que despois levamos para casa e así contarlle a historia a nosa familia.
3º trimestre:
Como neste trimestre a escritora de Xela. A superheroína de aldea Inma Soto ven a visitarnos a nosa escola traballamos antes o seu conto. Como Xela disfruta do espazo amable no que vive,o entorno rural xogando ao aire libre, observando os animaliños e coidando deles e da importancia de alimentarse ben (os vexetais da horta, os ovos das pitas, a carne da veciña e a mel do seu avó) para ser unha nena sá e forte. Traballamos o texto, a súa comprensión e fixemos un kahoot para avaliar a comprensión do conto, que elaborou o titor de 2º e que aos nen@s encantoulles. Tamén traballamos os animais que saían no conto facendo unha ficha de cada animal facendo un dibuxo, características físicas, tipo de animal, alimentación, maneira de desprazarse, forma de reproducirse e así traballamos o currículo de ciencias naturais. Durante todo o curso os nenos foron traendo os seus contos favoritos, que por suposto contáronllo os/as seus compañeiros/as. Estos contos foron:
- A toupiña que quería saber
- A xoaniña rosmona.
-La pandilla de los 11
-La montaña de libros más alta del mundo
- Erase una vez una sirena.
Tamén durante todo o curso fixemos todos os días unha actividade de mindfulness que @s nen@s xa necesitan e piden. Entre os exercicios realizados mostramos os seguintes:
-    RESPIRACIÓN: Inhalo nun tempo e exhalo en dous e imos aumentando inhalo en 2 e exalo en 4 sempre cos ollos pechados… (a exhalación o dobre ca inhalación)
-    OS CINCO DEDOS DA RESPIRACIÓN: Levanta a túa man e estira os dedos como una estrela. Co dedo índice da outra man traza ou dibuja imaginariamente a man que tes estirada. No proceso inhalas, sosten o aire uns segundos, retes arriba e exhalas baixando. Tomas una pausa corta nos puntos e vales da túa mano. Sacude agora as túas mans e avalia como te sentes. Senteste máis calmado? Ou necesitas facelo outra vez? Se é así, toma 5 máis.
-    RESPIRACIÓN PRANAYAMA: nesta respiración obstrúense as fosas nasais cos dedos, primeiro unha e logo otra, inspirase pola dereita, retense o aire e logo exhalase pola esquerda, e despois en dirección contraria.
-    RESPIRA MENTRES FAS FIGURAS: Imaxina un triángulo de tres lados: co dedo índice inhala subindo o triángulo, baixa retendo o aire e exhala completando o triándulo.
Ahora facemos un cadrado: inhala facendo o lado darriba, reteño metres baixo, exhala mentres fago o lado de abaixo e reteño mentres subo. Primeiro facémolo co dedo índice e despois coa mente. Por último facemos un círculo comezamos inhalando mentres facemos media circunferencia hacia a esquerda e exhalamos soltando o aire ata chegar a completar o círculo.
-    RESPIRACIÓN DE PRETZEL : A respiración é a de Pretzel ou do Nó. O primeiro que imos facer é estirar os brazos cos polgares cara abaixo, cruza os brazos, entrelaza os dedos e sostén as mans. Pasa as mans por debaixo cara o corazón. Imos a soster o nó aquí, apreta ben e toma aire, aguanta o aire e logo relaxa completamente. Se estás de pé, tamén podes cruzar as pernas antes de tomar aire para facer o nó completo. Estas respiracións practicamolas mentres estén calmos, de esta maneira, será máis sinxelo usalas cando estén en momentos de alta ansiedade ou estrés. E canto máis vexan modelar estas respiracións, máis te imitarán.
-    RESPIRACIÓN DE S.T.A.R.T.: As próximas respiracións son de Disciplina
Consciente (Conscious Discipline), un programa que ensina aos nenos a regular as   emocións. E unha das cousas que ensinan é respirar co ventre ou diafragma - o cal chaman ser unha estrela.
Chámase a ESTRELA, en inglés, STAR, que polas letras significa Sorríe, Toma Aire e Relaxa.
Trátase de respirar profundo para inflar e desinflar a túa barriga. Para facelo ben vaite a axudar por unha man na túa barriga. O primeiro paso é sorrír, o que relaxa os músculos na túa cara e axuda a sentirse mellor no mesmo momento. Logo, toma aire (sinte como a túa barriga énchese e sae para fóra), e relaxa (deixa ir o aire e sente como a túa barriga vai cara adentro).
E concéntrate nunha exhalación máis longa, deixando que todo se vaia coa respiración: deixa ir o medo, a ansiedade, o estrés.
-    Audios: Tranquilos y atentos como una rana como una rana de Eline Snel.. 3 Atentos á respiración. 4 O exercicio do spaguetti 5. O botón da pausa 7. Un lugar seguro…
-    O MEU LUGAR SEGURO: (visualización)
Pechamos os ollos e pensamos nun lugar onde     vivimos unha emoción onde estábamos moi a gustiño (na praia, no campo, na montaña, no parque…) Benestar edónico.
Unha vez que estás aí contempla: que estás vendo?, Gústache o que ves? Que escoitas? (o son da auga, a avoa batendo ovos para facer unhas galletas…) A que cheiras? (ao mar, a comida da mamá, o cheiro verde do campo….) Que sintes? Nas mans, nos pes, hai brisa… Recordamoslle o ben que se sinten. Esto podemolo repetir varias veces para desois cando estén mal vaian ao seu lugar seguro e así poder relaxarse. (É un METAMOMENTO)
-    EXERCICIO COMER UNHA UVA PASA CON ATENCIÓN PLENA (KABAT ZINN)
-    Entre outras.
Como conclusión, destacar a motivación que tiverom @s nen@s na hora de ler non só polos contos senón polas actividades de mindfulness . A valoración foi moi positiva tanto para nós como para eles e despois desta primeira experiencia pensamos continuar nos anos posteriores.

Os nenos e nenas de 1º e 2º de Primaria convértense en artistas do cómic

Lun, 13/05/2024 - 20:26 — admin

Os nenos e nenas de 1º e 2º de Primaria convértense en artistas da banda deseñada

O alumnado de 1º e 2º do Mnuel Sueiro embarcáronse nunha emocionante viaxe ao mundo da banda deseñada, aprendendo a crear as súas propias historias a través de debuxos, globos de diálogo e onomatopeas.

Nesta divertida actividade, os pequenos e pequenas artistas descubriron os elementos básicos do cómic, dende as viñetas que enmarcan cada escena ata os globos que dan voz aos seus personaxes.

Aprenderon a diferenciar entre os diferentes tipos de globos, como os de diálogo para as conversas, os de pensamento para mostrar o que están a imaxinar, ou os de voz baixa para os susurros. Tamén practicaron a creación de onomatopeas, esas palabras que imitan sons como "boom", "crash" ou "miau", para dar máis vida ás súas historias.

Para completar as súas obras de arte, o alumnado incorporou símbolos que transmiten emocións, como corazóns para o amor ou raios para o enfado, e liñas de movemento que indican a acción que está a ocorrer.

O resultado final foi unha colección de cómics cheos de creatividade e imaxinación, onde cada viñeta conta unha pequena historia e cada personaxe ten algo que dicir.

Club de lectura de 1º Ciclo

Lun, 13/05/2024 - 15:07 — admin

O Club de Lectura do 1º Ciclo experimenta un impresionante crecemento e éxito durante o Curso 2023/2024

Tras o éxito do curso anterior, o Club de Lectura do 1º Ciclo experimentou un notable crecemento e consolidación durante o curso académico 2023/2024. A participación e o entusiasmo do alumnado alcanzaron niveis sen precedentes, convertendo esta iniciativa nun pilar destacado dentro do programa educativo.

Durante este ano escolar, o club explorou unha variedade de libros cativadores, abordando temas que espertaron a curiosidade e o interese dos mozos lectores. Os títulos traballados incluíron unha selección diversa que podedes consultar máis abaixo.

Un dos aspectos máis destacados foi a continuación e o éxito dos concursos de animación á lectura, organizados como actividade final despois da lectura de cada un dos libros seleccionados. Estes concursos non só incentivaron a comprensión e o goce coa lectura, senón que tamén fomentaron a participación activa e a creatividade entre o alumnado.

Unha innovación notable este ano foi a introdución de técnicas de relaxación antes da lectura, utilizando técnicas de mindfulness. Esta práctica permitiu que os nenos e nenas se prepararan mentalmente para a lectura, creando un ambiente propicio para absorber e disfrutar das historias.

Ademais, como parte das actividades do club, incorporouse a gravación de lecturas de algúns capítulos dos libros utilizando o programa Audacity. Esta iniciativa non só mellorou as habilidades de lectura en voz alta do alumnado, senón que tamén contribuíu significativamente a elevar o nivel lector de todos os participantes.

En resumo, o Club de Lectura do 1º Ciclo foi unha experiencia enriquecedora e exitosa para todos os implicados. A combinación de actividades innovadoras, concursos emocionantes e unha coidadosa selección de lecturas contribuíu a fomentar o amor pola lectura e o desenvolvemento integral do alumnado.

A continuación, encontraredes unha lista dalgunhas das actividades realizadas este ano no club:

Carreira solidaria do CEIP Plurilingüe Manuel Sueiro

Xov, 09/05/2024 - 20:42 — admin

Carreira Solidaria no Sueiro: Un Éxito de Participación e Solidariedade!

O pasado 9 de maio, as instalacións de atletismo da Universidade de Ourense foron testemuñas dun evento especial e cheo de entusiasmo: a segunda edición da Carreira Solidaria do Sueiro. Esta actividade, que o ano pasado recibiu unha cálida acollida, volveu este ano con aínda máis forza e propósito.

Nesta ocasión, a carreira non só foi un momento para promover a actividade física e o traballo en equipo, senón tamén para apoiar causas solidarias de importancia global. Xunto con Save the Children, este ano unímonos a UNICEF e o seu programa "Cada Pinga Conta", que busca concienciar sobre os dereitos fundamentais da infancia.

O evento contou cunha participación extraordinaria: todo o alumnado do centro sumouse con entusiasmo, xunto con moitos familiares que se uniron para mostrar o seu apoio. Foi un momento emocionante ver a nenos, nenas, pais e nais correndo xuntos por unha causa significativa.

Durante a carreira, respirábase un ambiente de alegría e solidariedade. Os participantes non só gozaron do deporte, senón que tamén compartiron valores de empatía e compromiso social. Cada paso dado representou un acto de xenerosidade e conciencia cara aos dereitos da infancia en todo o mundo.

Desde o Colexio, queremos agradecer a todas as persoas participantes, colaboradores/as e patrocinadores/as que fixeron posible este evento. Grazas ao seu apoio e compromiso, estamos contribuíndo activamente a crear un mundo máis xusto e equitativo para todos os nenos e nenas.

Esperamos con entusiasmo volver a organizar máis actividades solidarias que fortalezan os nosos lazos como comunidade e nos inspiren a seguir traballando por un mundo mellor!

VÍDEOS DAS DIFERENTES CARREIRAS

Hora de ler. Curso 2023/2024

Mar, 07/05/2024 - 15:39 — admin

A Hora de Ler volve ser todo un éxito no Sueiro!

Un ano máis, o comprácenos celebrar o éxito do programa a Hora de Ler. Este programa, que ten como obxectivo fomentar o amor pola lectura entre todo o alumnado, volveu converterse nunha cita imprescindible no horario escolar.

Un espazo para a lectura compartida

Cada día, durante 20 minutos, todo o centro reúnese para gozar da lectura. O timbre do colexio marca o inicio e o final desta cita, creando un ambiente máxico e especial no que toda a comunidade educativa, sen importar a súa idade ou curso, mergúllanse no apaixonante mundo dos libros.

Un sinfín de actividades

Ao longo do curso 2023/2024, leváronse a cabo diversas actividades no marco de a Hora de Ler. Os nenos e nenas desfrutaron de contos, lecturas dramatizadas, talleres de escritura creativa, teatro e moito máis. Estas actividades permitiron aos nenos e nenas descubrir novos autores, xéneros literarios e formas de expresión.

Un programa cun impacto positivo

A Hora de Ler tivo un impacto moi positivo no alumnado do CEIPP Manuel Sueiro Os nenos e nenas melloraron a súa comprensión lectora, o seu vocabulario e a súa capacidade de expresión oral e escrita. Ademais, desenvolveron un maior interese pola lectura e aprenderon a valorar a importancia dos libros como fonte de coñecemento e entretemento.

Unha invitación á lectura

Animamos a toda a comunidade educativa a seguir fomentando o amor pola lectura en casa. Ler en familia, compartir libros e crear un ambiente favorable á lectura son algunhas das chaves para que os nenos e nenas se convertan en lectores ávidos e gocen dos innumerables beneficios que a lectura lles pode aportar.

Para ver algunhas das actividades realizadas durante a Hora de Ler no curso 2023/2024, podedes visitar a seguinte ligazón:

http://www.edu.xunta.gal/centros/ceipmanuelsueiro/taxonomy/term/86

Premendo nas seguintes imaxes podemos ver un resumo das actividades realizadas por cada curso:

	1º de Ed. Primaria.

2º de Ed. Primaria.	3º de Ed. Primaria.

4º de Ed. Primaria.	5º de Ed. Primaria.

Hora de ler de 6º de EP	Plurilingüismo

Visita policial ao patio do colexio

Mar, 07/05/2024 - 09:00 — admin

Visita policial ao colexio

O martes 7 de maio, todo o alumnado do colexio, en diferentes quendas, tivo a oportunidade de vivir unha experiencia única: coñecer de preto o traballo da policía. Para iso, recibimos a visita dunha parella de axentes que nos amosaron os seus instrumentos de traballo e explicáronnos como é por dentro un coche patrulla.

Os nenos e nenas puideron poñerse as gorras e os chalecos reflectantes das axentes, sentirse como auténticos policías por un día. Pero o que lles gustou máis, sen dúbida, foi oírse polo altofalante do coche e facer soar a sirena da policía.

Esta visita foi unha forma lúdica e divertida de aprender sobre a labor da policía e de familiarizarnos coa súa presenza na comunidade. As axentes mostráronse moi próximos e amables cos nenos e nenas, que puideron resolver todas as súas dúbidas e curiosidades.

Desde o colexio queremos agradecer á parella de axentes a súa visita e a súa disposición para compartir connosco o seu traballo. Foi unha experiencia moi enriquecedora para todos.

Luísa Villalta Gómez (2024)

Mar, 07/05/2024 - 04:10 — admin

Luísa Villalta Gómez naceu na cidade da Coruña o 15 de xullo de 1957, na rúa Vila de Laxe, en pleno corazón do barrio do Gurugú.

Despois de pasar polas aulas do colexio das Xosefinas e do Instituto Nacional Feminino, actual IES Eusebio da Guarda, acadou a licenciatura de Filoloxía Hispánica, na Subsección de Galego-Portugués na Universidade de Santiago de Compostela e exerceu como profesora de Lingua e Literatura Galega nos institutos coruñeses Xosé Neira Vilas, de Perillo-Oleiros, Canido-Ferrol e Isaac Díaz Pardo, de Sada.

Desenvolveu unha intensa actividade cultural, foi autora de obras de teatro, narrativa, ensaio... e poesía, quizais a súa faceta máis coñecida.

Obtivo o Título Superior de Violín polo Conservatorio da Coruña, e creou nos anos oitenta, Escaino, un grupo de folk instrumental. Tamén foi compoñente da Orquestra de Santiago de Compostela e da Xove Orquestra de Galicia, formacións que deixou ao dedicarse á docencia.

Faleceu na Coruña o 6 de marzo de 2004, á idade de 46 anos, e foi soterrada no cemiterio de Santo Amaro.

A Real Academia Galega, en sesión celebrada o 29 de xuño de 2023, acordou dedicarlle o Día das Letras Galegas 2024 pola súa contribución á cultura de Galicia e á lingua galega.

Concurso Letras Galegas 2024.

Recollido do Seminario Galán

RECICLANDO

Lun, 06/05/2024 - 12:42 — admin

O 24 de xaneiro, nunha xornada divertida e educativa, o alumnado de Ed. Primaria do noso cole, tivo a oportunidade de mergullarse no fascinante mundo do coidado do medio ambiente grazas ao obradoiro levado a cabo na Aula de Psicomotricidade. A encargada de guialos nesta viaxe educativa foi Nuria, unha representante de Sogama, a Sociedade Galega do Medio Ambiente.
O obradoiro tivo como obxectivo principal ensinar aos nenos e nenas a importancia das "3 erres": Reducir, Reutilizar e Reciclar. Nuria, co seu entusiasmo contaxioso, logrou captar a atención dos cativos desde o primeiro momento, convertendo a actividade nunha experiencia inesquecíbel.
Os nenos e nenas participaron en dinámicas interactivas que lles permitiron comprender a necesidade de reducir o consumo de recursos, reutilizar obxectos en lugar de desbotar e reciclar para darlles unha nova vida. Cos materiais visuais e prácticos, foron descubrindo como cada quen pode contribuír ao coidado do noso planeta.
Pero a aprendizaxe non se detivo aí. A parte máis emocionante do taller foi cando Nuria introduciu aos nenos no mundo máxico dos contedores. Descubriron as cores e símbolos que identifican a cada tipo de contedor e aprenderon cal é o lugar axeitado para depositar cada tipo de residuo.
Entendemos que é esencial que desde unha temperá idade os nenos e nenas adquiran conciencia ambiental. Queremos que se convertan en gardiáns do planeta, e este tipo de obradoiros permítelles comprender o seu papel crucial na preservación do medio ambiente.
A longo do curso o alumnado do CEIP Plurilingüe Manuel Sueiro seguiu afondado no estudo da reciclaxe sendo o seu último paso verter os residuos no contedor correspondente para que os camións do lixo os poidan reciclar.

Mochila viaxeira 2023/2024

Xov, 02/05/2024 - 06:36 — admin

Mochilas Viaxeiras e "Libros que van e veñen" Continúan Fomentando a Lectura

No curso escolar 2023/2024, o noso centro educativo reviviu a emocionante tradición das Mochilas Viaxeiras, cun total de 12 mochilas en circulación, representando dúas por clase. Ademais, continuamos co exitoso programa "Libros que van e veñen" en Educación Infantil, proporcionando aos nosos alumnos e alumnas unha experiencia única de lectura compartida.

Cada mochila viaxeira permite aos estudantes levar a casa un tesouro literario por unha semana, para compartir con súas familias. O contido destas mochilas foi coidadosamente seleccionado polo profesorado titor, supervisado pola biblioteca da escola, e ofrece unha ampla variedade de textos e formatos en galego e castelán, para que o alumnado poida escoller ao seu gusto.

Unha característica especial de cada mochila é o "Diario da Mochila", nel os nenos e nenas, e as súas familias, poden compartir as súas opinións, creacións, debuxos e suxestións sobre o contido dos libros e a súa experiencia de lectura en familia.

Para a maioría das nosas familias, esta actividade resulta ser unha experiencia moi divertida que axuda a fortalecer os lazos entre pais e fillos e enriquece a experiencia de lectura de todos e todas as participantes.

A continuación, presentamos unha mostra do traballo realizado polo noso alumnado nas súas casas, demostrando o seu compromiso co mundo da lectura e a súa creatividade na expresión artística.

Estamos encantados de ver como as Mochilas Viaxeiras e o programa "Libros que van e veñen" seguen a facer da lectura unha parte fundamental da vida dos nosos estudantes e das súas familias.

Animamos a todos a seguir participando activamente nesta marabillosa aventura literaria.

Libros que van e veñen en Ed. Infantil

Mochila de 1º de EP	Mochila de 2º de EP

Mochila de 3º EP	Mochila de 4º EP

Mochila de 5º EP	Mochila en 6º de EP