Dende o área de Relixión empregando os principios do Deseño Universal de Aprendizaxe (DUA) cunha metodoloxía por Estacións de Aprendizaxe, traballamos a unidade didáctica “A historia do Nadal” en todos os cursos de Primaria.

Os obxectivos marcados foron:

• Coñecer a historia do Nadal.
• Coñecer as personaxes do Nadal.
• Recoñecer obxectos relacionados co Nadal (campo semántico).
• Coñecer a cronoloxía dalgúns personaxes bíblicos e como se contan os anos antes de Cristo e despois de Cristo.

Establécense seis estacións de aprendizaxe. As actividades propostas para cada estación foron as seguintes:

• Vídeo “A historia do Nadal” de playmóbil.
• Discriminación visual: campo semántico do Nadal e quebracabezas do nacemento de Xesús.
• Liña do tempo; a.C e d.C.
• Recoñecemento de conceptos de Nadal.
• Realización artística de maqueta do nacemento de Xesús ou debuxo libre do Nadal.
• Avaliación á través dun quiz de Genially.

Os nenos e nenas disfrutaron das actividades aprendendo de forma bastante autónoma e comprobando o que aprenderon na última actividade.

Deixamos aquí imaxes do que fixemos: