Co gallo do día do Medio Ambiente, no centro se celebraron unha serie de actividades conmemorativas, que trataban de coñecer e valorar a importancia dos montes.

Fixemos uns CÓMICS estupendos, na nosa língua.

PODES VELO

AQUÍ

E, o alumnado de INFANTIL, asistiu a un TEATRO DE SOMBRAS relacionado coa temática da natureza e a importancia da conservación da auga.

mírao

AQUI

ESTE XOVES REPETIRASE NA HORA DO

RECREO PARA PRIMARIA,

NON FALTEDES!

Deseño de Séchu Sende (Made in Galiza)

Comezou o Ano de Lois Pereiro, poeta monfortino ao que a Academia da Lingua Galega decidiu dedicarlle o Día das Letras Galegas 2011 co obxectivo de valorar e reivindicar unha figura que conecta a poesía galega cos movementos da cultura europea dos 80 e a contracultura. Segundo o presidente da institución, Xosé Luis Méndez Ferrín, a figura de Pereiro é distinta ao perfil habitual dos homenaxeados no Día das Letras e posúe un carácter simbólico especial para a institución. "Nas letras galegas", asegurou Ferrín, "constitúe unha liña de intensidade vital e de formas contemporáneas".

Lois Pereiro (Monforte, 1958 - A Coruña, 1996) iniciouse na literatura nunha revista experimental, Loia, aos dezasete anos. Naquela publicación o seu nome apareceu ligado a un grupo de mozos e mozas universitarios galegos como como Antón Patiño, Menchu Lamas, Manuel Rivas, o seu irmán Xosé Manuel Pereiro, Fermín Bouza ou Vicente Araguas, que editaban esta revista no Madrid dos anos 70. Máis tarde, formou parte do Grupo de Amor e Desamor, un colectivo que editou a mediados dos 80 na Coruña dous libros homónimos. O seu primeiro poemario non veu a luz até 1991, Poemas 1981/1991, ao que seguiu en 1994 Poesía última de amor e enfermidade. A súa obra tamén se pode atopar en antoloxías como Después de la modernidad (1987) e en revistas culturais daquela altura. Tras a súa morte publicouse Poemas para unha Loia, unha escolma da súa poesía de xuventude que tamén inclúe o ensaio Modesta proposición para renunciar a facer xirar a roda hidráulica dunha cíclica historia universal da infamia. Tamén postumamente apareceu unha novela inconclusa co título Náufragos do paradiso (revista Luzes de Galiza).

Estes días xuntámonos para cantar algunhas das

cancións da fiadeira do venres.

Aquí deixamos unha ligazón

na que poderedes atopar algunhas das cancións máis típicas da nosa  música popular

       Premede SOBRE AS CANTIGAS!

LETRAS GALEGAS 2011

Estamos a organizar unha “fiadeira” que ten como obxectivo a cooperación entre alumado, centro e familias.

Sería moi interesante, dado que a transmisión de cultura é facilitada polos maiores, que estes poideran achegarnos o seu saber vindo a cantar coas súas netas e netos aquelas cantigas que coñece de toda a vida para que sigan perdurando.

Se algunha persoa, se anima a preparar unha pequena canción, soa ou acompañada, para o centro e para os nenos, sería un verdadeiro pracer. (se queredes podedes traer algún instrumento de acompañamento: pandeireta, cunchas, pandeiro…)

Non fai falta máis que ter ganas de cantar para improvisar xuntos!

O acto terá lugar o venres 13 de maio a partires das 12 da mañá.

Atentamente, un saúdo.

O Equipo de Dinamización da Lingua Galega.

Xogos populares

Para ver as fotos, preme neste

ENLACE

Como xa sabedes, podedes seguir utilizando o material dos xogos populares durante os recreos.

Simplemente debedes deixar os vosos datos na lista de préstamos.

 Xa podedes consultar as fotos das postais de Nadal

dende a GALERÍA da web