Premendo sobre o seguinte enlace, accederedes ao xogo clásico do aforcado ambientado na fogueira da noite de San Xoán.

http://www.edu.xunta.es/xogos/aforcado/aforcado.html

O xogo Carné de multiplicador está chegando á súa fin. Moitos dos seus participantes xa o completaron e conseguiron un premio especial!

Aínda estades a tempo de participar para conseguir o carné de multiplicador. Animádevos!

Repasa as taboas de multiplicar e a xogar!

Esta semana inaugúrase o novo blogue do CEIP Joaquín Rodríguez Otero, Dalle á Lingua,adicado especialmente á Dinamización e Normalización da nosa lingua. Aquí poderese atopar moitos recursos para traballala. Agardamos que vos guste e que vos animedes a visitalo! se tedes algunha suxerencia, non dubidedes en falar co profesorado do centro e tentaremos incluílo no blogue.

http://www.dallelingua.blogspot.com.es/

O 8 de marzo celébrase o Día Internacional da Muller Traballadora. Dende o colexio, leváronse a cabo diferentes actividades para conmemoralo. Unha delas é o xogo de adiviñas do que a continuación se mostra unha imaxe. Aínda estades a tempo de participar, animádevos!

Para máis información sobre o Día Internacional da Muller Traballadora, preme na imaxe.

O día 24 de Febreiro do 2015 cumpríronse 178 anos do nacemento da escritora e poetisa galega Rosalía de Castro, autora de poemarios como Cantares Gallegos e Follas novas.

Dende o colexio fíxoselle unha homenaxe. As alumnas e alumnos leron e cantaron varios dos seus poemas e viron unha presentación sobre a súa biografía. Para isto, contouse co traballo e coordinación da biblioteca, música, Normalización Lingüística e TICs.