C O M I D A      D E      C O N V I V E N C I A      

Coma todos os anos, rematamos o curso celebrando unha comida de convivencia de toda a comunidade educativa: pais, nais, alumnado, profes...

Pero... este curso foi especial xa que amenizamos a sobremesa coa celebración do día da música con actuacións musicais do noso alumnado

e en especial as dos máis peques que podedes ver neste vídeo

Celebración do día da música

Celebración da comida de convivencia

Durante o mes de maio, o noso centro participou no proxecto "Peciños: Un paso adiante", proxecto da Asociación Sociocultural de Minusválidos de Ferrol (ASCM) galardonado co premio solidario do Concello de Ferrol do ano 2013.

Este proxecto que fomenta o traballo en equipo acercounos á inclusión a través do deporte e das actividades psicomotrices. Grazas a esta iniciativa reflexionamos sobre a discapacidade e hábitos saludables. O alumnado participou en distintas actividades dende o punto de vista da discapacidade.

Aquí tedes unhas imaxes.

Podemos ver máis imaxes na nosa galería de fotos premendo aquí  

Tamén no blog da ASMC dedicado ao Proxecto Peciños atopamos información sobre as actividades realizadas no noso centro.

 FESTA DE CLAUSURA DO PROXECTO PECIÑOS

 O domindo 22 de xuño, na Praza do Inferniño terá lugar a festa de clausura do "Proxecto Peciños" con actuacións en directo, maxia, pallasos, globoflexia...

As actividades comezarán ás 17:30 co acto de clausura e entrega de premios no Centro Cultural Carvalho Calero e a continuación haberá as actividades na Praza do Inferniño ata ás 20:30. No caso de choiva realizaráse no pavillón do Ensanche.

A entrada e gratuita para toda a familia.

A AVOA DOS TAPÓNS 

ENTREVISTADA POLO ALUMNADO DE 5º E 6º DE PRIMARIA

Investigar xuntos é o que ten. 

Á pregunta:

- Que é o que hai detrás dese contendor que día a día imos enchendo xuntos de tapóns?

Quen mellor que a avoa dos tapóns para conseguir respostas. 

Un grupo de alumnos entrevista a unha muller loitadora como moitas, que trata de axudar á súa neta coa recollida de tapóns.

UN PEQUENO ESFORZO NOSO É UN GRAN LOGRO PARA OUTROS. 

Enviámoslles un bico de solidariadade do CEIP Isaac Peral para ela e todos aqueles que están a colaborar,

que sabemos que son moitos.

 Dende a ONG "Solidaridade galega co pobo saharaui" pedíronnos a nosa colaboración co Sahara e por iso organizamos unha carreira solidaria para toda a comunidade educativa.

Será o martes 20 de maio. Sairemos do centro ás 17:00 e o percorrido será o seguinte:

Avda Mac Mahón - Rúa Españoleto - Naturalista López Seoane - Avda de Vigo - Estrada de Circunvalación - Avda de Mac Mahón. 

A ONG "Solidaridade galega co pobo saharaui" intenta que nenos e nenas saharauies pasen as súas vacacións en Galicia disfrutando dun tempo de Paz. Nós intentamos sumarnos a esa iniciativa, por iso pedimos a colaboración das familias aportando un euro por cada un dos participantes na carreira.

Cada alumno/a deberá comunicar o número de participantes, e entregar a aportación ao seu profesor/a titor/a quen lle facilitará un dorsal por participante. Este dorsal deberánno traer colocado nas costas o día da carreira.

Ao remate da carreira repartiremos auga e froita no patio do colexio.

ESPERAMOS A PARTICIPACIÓN DE TODOS O MARTES 20 DE MAIO!

E chegou o día da carreira!!!!

A recaudación foi de 322 euros!

Grazas a todos pola colaboración.

Máis imaxes da carreira na nosa galería de fotos 

Agradecemos á ANPA a súa axuda na oganización desta carreira.

O AUTISMO non é unha enfermidade senón máis ben unha desorde no desenvolvemento das funcións do cerebro permanente. Sabémolo moi ben en 4º que investigamos na clase sobre este tema.

Neste video tedes unha pequena mostra dos nosos traballos.

 Para celebrar esta data tan importante fixemos moitas actividades nas aulas.

      Escoitamos un conto moi bonito titulado AS CORES DO ARCO DA VELLA

E tamén vimos a presentación do conto LA DISPUTA DE LOS COLORES 

Nas nosas aulas e na aula de música aprendimos unha adaptación da canción titulada DE CORES

 Fixemos A POMBA DA PAZ DE PICASSO 

Cada alumno/a escribiu un DESEXO NA POMBA e intercambiámola cun compañeiro/a do cole:

O alumnado de 1º cambiou a súa pomba con 3º

O alumnado de 2º con 5º

O alumnado de 4º con 6º

Entre todos fixemos UN MURAL CON POMBAS DE CORES formando un ARCO DA VELLA

O alumnado de Infantil fixo as pombas de cor verde

 O alumnado de 1º de cor amarelo

O alumnado de 2º de cor azul

O alumnado de 3º de cor laranxa

O alumnado de 4º fixo as pombas de cor púrpura

Os de 5º de cor vermello

 Os de 6º de cor añil 

Todos os nenos e as nenas fixemos tamén unha cinta de cartolina para poñer na fronte

cunha pomba da cor que lle tocou á nosa clase.

Púxemola o día do acto conxunto no patio

Como remate fixemos un ACTO CONXUNTO de todo o colexio para celebrar este día tan importante.

Aquí están as imaxes

Agradecemos á ANPA a súa colaboración na SAÍDA AO CIRCO

Máis fotografías da celebración do día da Paz na nosa galería de imaxes. 

Para acceder premer aquí 

A NOSA INSPECTORA DE EDUCACIÓN Dª ELENA URTIAGA

VISITA O NOSO CENTRO

O xoves día trece de decembro recibimos no noso centro unha visita que, ainda que xa foi anunciada, foi moi esperada: a nosa Inspectora de Educación Dª Elena Urtiaga Estévez.

Arredor das dez da mañá, Dª Elena chegou ao noso centro. Visitou as distintas instalacións do centro, interesándose polas necesidades do centro en canto as obras demandadas, estivo en contacto co noso alumnado, profesorado e saudou ás persoas colaboradoras da ANPA. 

Dende aquí retrasmitímoslle as grazas de todo o persoal polo interese mostrado polo noso centro!

  Os días 19, 20 e 21 de novembro organizamos un mercadillo solidario de libros na ludoteca do colexio.

A proposta xurdiu con motivo da celebración do DÍA INTERNACIONAL DOS DEREITOS DOS NENOS, aprobados pola Asamblea Xeral das Nacións Unidas o 20 de novembro de 1959.  

 Con esta actividade pretendemos o fomento da lectura en familia e a solidariedade.

Estivo organizada pola ANPA do centro coa colaboración do grupo dinamizador da biblioteca.

 As familias, e demais membros da comunidade educativa, participaron en dúas direccións: primeiro aportando libros, e en segundo lugar, visitando o mercadiño cos seus fillos e fillas e adquirindo aqueles títulos polos que sentiron máis curiosidade.

A recadación foi de 716 euros e foi entregada á "Cociña Económica".  

Estas foron as fotos do acto de entrega do diñeiro ao representante da Cociña Económica de Ferrol

GRAZAS A TODAS AS PERSOAS QUE FIXERON POSIBLE O ÉXITO DESTA ACTIVIDADE

  I CARREIRA POPULAR CONTRA O CANCRO  

 "CORRE POR FERROL"  

O domingo 3 de novembro temos a oportunidade de demostrar a nosa solidariedade e, ademais, de practicar unha forma saudable de vida: o deporte.

A carreira "Corre por Ferrol" espérase que sexa a máis concurrida do ano e máis que unha competición é unha actividade solidaria, que destinará íntegramente os seus fondos á ASOCIACIÓN DE LOITA CONTRA O CANCRO.

Haberá categorías inferiores (desde 50 metros, 500 e 1.000) e absolutas (5 km a partir de cadetes). Non se trata dun evento competitivo senón solidario. Trátase ademais dunha carreira familiar na que poderán participar nenos e tamén maiores, aínda que sexa camiñando.

A carreira recorrerá as rúas e zonas más emblemáticas da cidade e completarase con outras actividades lúdicas e deportivas.

A inscripción dos adultos terá un coste de 5€ ou 7€, dependendo se contan ou non co chip amarelo. Os participantes serán obsequiados cunha camiseta conmemorativa.

As inscipcións poderán realizarse:

• A través da páxina http://www.championchipnorte.com/evento/detalle/page/2/id/30
• Nas oficinas da Asociación Española Contra o Cancro de Ferrol (Rúa Real, nº 6, piso 1º, C.P.: 15402, Ferrol) a partir do luns 2 de setembro

O prazo de inscripción e pago finalizará o xoves 31 de outubro de 2013 ás 19:00 horas.

 A retirada de dorsais, chip e camisetas:

• Na Praza de Armas o día 2 de novembro de 10:00 a 14:00 e de 18:00 a 21:00 horas.
• O mesmo día da proba ata media hora antes do comezo da mesma, é dicir, ata as 10:30.

UN ANTIGO ALUMNO DO ISAAC PERAL:

GUILLERMO GONZÁLEZ LÓPEZ

O pasado día 20 de setembro tivo lugar a graduación da promoción 2007-2013 na Facultade de Medicina da Universidade Autónoma de Madrid. Nese acto, o decano impuxo a muceta de número un da súa promoción a Guillermo González López, por ser o mellor expediente académico da cadraxésima promoción de médicos desa facultade.

O xa doutor Guillermo González foi alumno do colexio Isaac Peral durante toda a súa infancia, dende o ano 1992 ata o 2001, no que rematou a Primaria. E xa nesa etapa educativa, no 6º curso, quedou finalista nun Rally Matemático pasando á fase provincial.

Constitúen un motivo de orgullo para todos nós os éxitos académicos e profesionais de todas esas persoas que, nos primeiros anos da súa infancia, toda a comunidade educativa do Isaac Peral contribuíu a formar.

PARABÉNS A GUILLERMO, Á SÚA FAMILIA E A TODA A COMUNIDADE EDUCATIVA!!!