CEIP DE PEDROUZOS - Brión | Lugar de Pedrouzos s/n Brión , A Coruña, Tfno 881866078 ceip.pedrouzos@edu.xunta.gal

Lugar de Pedrouzos s/n Brión , A Coruña, Tfno 881866078 ceip.pedrouzos@edu.xunta.gal

Solicitude comedor e transporte curso escolar 2019/20

Xuntamos documentación para a solicitude de servizos complementarios.

O luns 17 de xuño farase chegar ás familias a través do alumnado.

TODO o alumnado, solicite ou non servizos complementarios terá que entregar necesariamente a seguinte documentación:

1-Anexo 0: Relación de documentación entregada

2-Anexo 1: Solicitude/renuncia de transporte escolar

3-Anexo 2: Solicitude/renuncia de comedor escolar

4-Anexo 3: Declaración responsable de domicilio

Se solicita comedor escolar e non é usuario lexítimo de transporte (domicilio a menos de 2 km do colexio) ou non lle corresponde este centro por ser doutra zona educativa (outro concello, correspóndelle outra unitaria), terá que presentar:

5-Autodeclaración

2-Documentación que acredite incompatibilidade horaria familiar co servizo de comedor / documentación que acredite minusvalía do alumno/a / documentación que acredite ser familia numerosa / outra documentación que considere relevante

5 adxuntos

Matrícula alumnado curso 2019/20

O prazo para formalizar a matrícula do alumnado que foi admitido no noso centro para o curso 2018/19 ábrese o día 20 de xuño. Ata o 30 deste mesmo mes pódese recoller e entregar a documentación na secretaría do centro.

O horario de secretaría: 9:30 h. a 14:30 h. Luns a Venres

No caso de solicitar comedor e transporte, deberán presentar a seguinte documentación no momento de formalizar a matrícula.(ligazón)documentación.

Comeza a semana dos Xogos Alternativos

Tal e como estaba previsto hoxe, luns 10 de xuño, comezou a semana de xogos alternativos no CEIP de Pedrouzos. Durante toda esta semana hai programadas diferentes actividades que se desenvolverán no patio escolar co apoio dun equipo de monitores e monitoras contratados pola ANPA. As actividades, que consisten no desenvolvemento de xogos coma o pano, tira soga, carreiras de sacos, zancos, petanca, futbol sen balón, etc.

Premendo na imaxe, Poderedes ver unha galería fotográfica resumo do primeiro día da actividade.

APIs de Blogue

Xornada portas abertas alumnado 4º infantil curso 2019/20

O día 5 de xuño terá lugar unha xornada de portas abertas para o alumnado que no curso 2019/20 matriculado en 4º de Infantil.

Un adulto das familias deberá acompañar ao neno/a e traer unha pequena merenda para el/a.

O alumnado de sexto de infantil será o anfitrión e acompañará a estes/as pequenos/as ao longo da actividade.

Desenvolverase de 11:00h a 12:15 da mañá

O programa será o seguinte:

Xogo de presentación
Visita ás instalacións do centro de infantil
Merenda
Recreo

Tamén celebrarase unha xuntanza para as familias o día 24 de xuño ás 16:30 h. na biblioteca do centro para a presentación das titoras e información sobre o periodo de adaptación.

Agardámosvos a todos/as!!!

FONDO SOLIDARIO DE LIBROS DE TEXTOS E AXUDAS PARA ADQUIRIR LIBROS DE TEXTOS E MATERIAL ESCOLAR

Ven de convocarse a orde do 3 de maio de 2019 que regula a participación no fondo solidario de libros de texto e axudas para a adquisición de libros de textos e material escolar destinadas ao alumnado matriculado en Educación primaria, secundaria e educación especial, para o curso escolar 2019/2020 (DOG 20 de maio 2019)

Convócanse tres tipos de axudas:

1.- FONDO SOLIDARIO DE LIBROS DE TEXTO: Alumnado que curse 3º e 4º de educación primaria (curso 2019-2020).

- Alumnado con renda per cápita familiar igual ou inferior a 5.400 €: seis (6) libros de texto.

- Alumnado con renda per cápita familiar superior a 5.400 € e igual ou inferior a 9.000 €: catro (4) libros de texto.

- Alumnado en situación de garda ou tutela da Xunta de Galicia ou cunha discapacidade igual ou superior ao 65%: seis (6) libros con independencia da renda.

2.-AXUDAS PARA ADQUIRIR LIBROS DE TEXTO: Alumnado de 1º e 2º curso de educación primaria (curso 2019-2020)

- Renda per cápita familiar igual ou inferior a 5.400 €: 170 €

- Renda per cápita familiar superior a 5.400 € e igual ou inferior a 9.000 €: 90 €- Alumnado en situación de garda ou tutela da Xunta de Galicia ou cunha discapacidade igual ou superior ao 65%: 170€ con independencia da renda.

3.-AXUDAS PARA ADQUIRIR MATERIAL ESCOLAR: Todo o alumnado de primaria
(curso 2019-2020)

Todo o alumnado matriculado en Educación primaria. (curso 2019-2020), con renda per cápita familiar igual ou inferior a 5.400 €: 50 €

PRAZO DE PRESENTACIÓN DE SOLICITUDES: 21 de maio ao 21 de xuño de 2019 incluídos

Modelo solicitude

Avaliación final primaria e individualizada 3º primaria

Cónvocase ás familias a unha reunión informativa sobre a avaliación final de primaria e a avaliación individualizada de 3º de primaria. Estas avaliación están programadas para os días 28 e 29 de maio.

A reunión será o luns, día 20 de maio ás 17h.

Listaxes definitivas admitidos curso 19/20

Publicamos as listaxes definitivas de admitidos para o próximo curso. Lembrámoslles que o prazo para formalizar a matrícula é do 20 ao 30 de xuño. As solicitudes fóra de prazo foron remitidas á Xefatura Territorial e a inspección para que eles determinen.

Listaxe definitiva

Listaxe solicitudes fóra de prazo

Concurso: Adiviña o nome.

Como este ano o día das Letras Galegas está adicado a Antonio Fraguas. gran estudoso da etnografía e da cultura galega, propoñemos ao alumnado que investigue e descubra o nome duns aparellos antiguos propios de oficios e costumes tradicionais.

Animádevos a participar!!