Na clase de 3º nivel unímonos á celebración do Día Internacional das persoas con discapacidade levando a cabo diferentes actividades na aula, tanto as da clase como as propostas polo Departamento de Orientación. Desexamos e loitamos porque se poida borrar do noso dicionario a palabra INCLUSIÓN, non porque non se leve a cabo senón porque xa esté totalmente normalizado e se faga todo dunha maneira natural...
TODOS E TODAS SOMOS DIFERENTES!!
Na aula traballamos a película Coñecendo o mundo con outro sentido, onde a protagonista é unha persoa invidente que nos amosa como podemos ver o mundo e sentir o que nos rodea con outros sentidos que non sexa a vista.
Aprendemos moitas cousas, algnhas moi curiosas como "os cegos e cegas ou invidentes teñen os ollos abertos, que guai poder ver o mundo doutra maneira, empatía e sobre todo a ser persoas tolerantes e que non hai que tratar a ninguén doutra maneira porque é diferente.
Dende o Departamento de Orientación propúxose o conto Monstruo rosa para traballar a diversidade, concepto que enriquece todo o que nos rodea. Seguimos a traballar a mesma temática TODOS E TODAS NACEMOS DIFERENTES!
Logo de escoitalo respondemos ás tarxetas preguntonas e fixemos as restantes fichas propostas:
- Debuxo do monstruo rosa, como o vemos?
Creamos o noso propio monstruo, poñéndolle nome e explicando os seus poderes:
E por último a nota musical a este traballo, unha cancion de Morat, Aprender a quererte coa linguaxe de signos:
