Organización funcional

Equipos de traballo

O equipo directivo está formado por:

Director: Jorge Emilio Bóveda Álvarez
Xefa de estudos: María Ballester Rodríguez
Secretaria: Sonia Rodríguez Paz

Cada membro asume as competencias que, por lei, ten encomendadas e aquelas que o consello escolar consensúe de cara á boa organización e xestión deste centro específico.

Aínda que o equipo directivo non é órgano colexiado, buscamos un funcionamento onde se compartan información e opinións, se manteña a unidade do equipo e onde o claustro e o consello escolar, aínda que órganos de participación, sexan os puntos de referencia obrigados no desempeño da nosa función.

A xestión do centro é democrática. Infórmase clara e puntualmente ó profesorado de todo o que atinxe ó funcionamento do Centro, tendo en conta sempre as marxes de discreción relativas ós distintos tipos de problemas.

Reúnese, como mínimo, dúas veces por semana.

Son competencias do Claustro:

Elevar ó Equipo Directivo propostas para a elaboración dos proxectos educativo e curricular do Centro e da programación xeral anual.

Aprobar e avaliar os proxectos curriculares e os aspectos docentes da programación xeral anual, conforme o proxecto educativo do Centro.

Determinar cal é a lingua materna predominante entre os alumnos e alumnas, así como a lingua ambiental, co fin de que o profesorado de educación infantil e primeiro ciclo a use na clase coidando á súa vez que adquiran de forma oral e escrita o coñecemento da outra lingua oficial de Galicia, dentro dos límites propios da correspondente etapa ou ciclo.

Aprobar o procedemento que permita determinar de xeito individualizado o coñecemento da lingua materna dos alumnos e alumnas co fin de que sexan atendidos adecuadamente.

Promover iniciativas no ámbito da experimentación e da investigación pedagóxica e na formación do profesorado do Centro.

Elixir os seus representantes no consello escolar do centro e no consello directivo do Centro de formación continuada do profesorado.

                O Consello Escolar ten as seguintes funcións:

Establecer as directrices e elaborar propostas para  o Proxecto Educativo do Centro, aprobalo, avalialo e, se é o caso, introducir modificacións, sen prexuízo das competencias que o claustro de profesores ten atribuídas en relación coa planificación e organización docente.

Elixir o Director do Centro.

Propoñer a revogación do nomeamento do Director, logo de acordo dos seus membros, adoptado por maioría de dous tercios.

Decidir sobre a admisión de alumnos, con suxeición ó establecido na lexislación vixente.

Aprobar e modificar o Regulamento de Réxime Interior do Centro.

Resolver os conflictos e impoñer as correccións con finalidade pedagóxica que corresponda a aquelas conductas do alumnado que prexudiquen gravemente a convivencia do Centro.

Aprobar o Proxecto de Orzamento do Centro e a execución del.