Traballar a oralidade na escola é fudamental en tódolos niveis, pero nos niveis máis baixos faise totalmente necesario debido ao esforzo titánico que implica a codificación dun texto (escritura mecánica). O feito de que non sexan autónomos na escritura impide que o alumnado poida crear textos coa liberdade necesaria que precisa un proceso creativo como a creación dun discurso (texto). De aí a importancia da oralidade.
Para axudar a sistematizar o traballo relacionado coa expresión oral, ímonos a valer da seguinte rúbrica.
O primeiro paso, para o que é de gran axuda a implicación das familias, é lograr que o alumnado identifique e comprenda cada un dos apartados: pronunciación, volume, postura e contido.
Na aula estamos a traballalo, pero existen múltiples formas para reforzalo nas casas:
- Cando o alumnado nos conta unha historia podemos estar atentos a estes catro criterios para facerlle algún comentario constructivo.
- Imprimir, comentar e ter presente uns días a rúbrica na casa.
- Cando escoitamos falar a alguén que poida servir como modelo podemos comentalo para poñelo en valor.
En todas estas estratexias é fudamental darlle o protagonismo e a atención que merecen.
