ENTROIDO 2014

Este ano festexamos os 25 anos do colexio, por iso as nosas comparsas reflictiron acontecementos importantes destes últimos anos. Educación Infantil encargouse de lembrarnos a catástrofe do Prestige ao berro de "Chapapote non", o alumnado do 1º ciclo, coa súa comparsa "EuroBelesar" encheu o patio de cartos, o 2º ciclo desfilou deportivamente coma no "Barcelona '92" e os maiores do colexio deleitáronos coas súas cancións, lembrando 25 anos de música coa súa actuación "OT ou café".