Como cada mes de maio chega o día no que é obrigado lembrar que temos unha fala propia que debemos valorar e usar. Todos os que temos o galego como lingua materna non precisamos de celebracións para saber a importancia que este feito ten; para nós non hai un, senón moitos días nos que sentimos que a lingua galega é nosa e a ela recorremos nos xogos, nas aulas, na familia, nas festas...
No ano 1963 instituíuse como festa anual das nosas letras o día 17 de maio. Iniciouse nesta data porque nela se celebraba o centenario da publicación do libro de Rosalía de Castro, Cantares Gallegos, libro que supuxo que a nosa lingua acadase prestixio universal.
Neste ano o escritor elexido é Lois Pereiro. Para saber máis sobre este autor podedes visitar a exposición de carteis que se atopa nos corredores do colexio ou premer na imaxe para velos desde esta páxina.