![](http://www.edu.xunta.gal/centros/ceipbarqueira/system/files/u27/CELSO_2_0.jpg)
Neste mes de xaneiro conmemórase o centenario do nacemento do escritor Celso Emilio Ferreiro. Por este motivo a Xunta de Galicia estableceu o ano 2012 como "Ano de Celso Emilio Ferreiro".
O pasado día 4 de xaneiro iniciáronse en Celanova, vila natal do escritor, os actos desta celebración. Edicións de libros, exposicións, concertos e a creación dunha páxina web son algunhas das actividades que levará a cabo o goberno galego en colaboración con outras entidades, para conmemorar esta efeméride.
Podedes consultar toda a programación dende aquí
DEITADO FRENTE Ó MAR...
Lingua proletaria do meu pobo
eu fáloa porque si, porque me gosta
porque me peta e quero e dame a gana
porque me sae de dentro, alá do fondo
dunha tristura aceda que me abrangue
ó ver tanto patufos desleigados,
pequenos mequetrefes sen raíces
que ó pór a garabata xa non saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos da linguaxe,
remo e arado, proa e rella sempre.
Eu faloa porque si, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingua...
CELSO EMILIO FERREIRO