OS DA NOSA AULA.
Como xa sabedes, cada día, temos un tempo adicado a xogar libremente nos diferentes recantos da aula. Así, antes de comezar o traballo en cada espazo, debemos seleccionar un e anotarnos nel. Para isto, debemos localizar o noso nome entre todos os da clase, escoller recanto e ubicar a etiqueta correspondente nun cadro onde figuran os días da semana e os recunchos de xogo. Porén, temos unha serie de premisas:
- Non superar o número de nenos e nenas permitido no devandito recanto (algúns permiten tres e outros soamente dous).
- Non podemos repetir espazo ó longo da semana.
Así, debemos ser capaces de interpretar, con máis ou menos axuda, este rexistro diario, iniciándonos na interpretación de cadros de dobre entrada. Ó mesmo tempo, traballamos o recoñecemento do nome propio, os días da semana, a cantidade numérica, o respecto polas normas establecidas e a toma de decisións. CASE NADA!!!
Velaquí tedes algunhas imaxes do ben que o pasamos despois.
Recuncho de ABN. Traballamos a lóxica - matemática a través da manipulación de diferentes materiais.
Recanto dos xogos de mesa. O xeoplano, puzzles e os pinchos onde fundamentalmente traballamos a motricidade fina, entre outras moitas cousas como as figuras xeométricas, a igualdade, a correlación entre cores... Igualmente, contan con outros materiais pero xa os iremos mostrando pouco a pouco.
Recanto artístico. Nel realizan as súas obras máis orixinais empregando diferentes materiais e recursos artísticos. Velaquí os tedes facendo un bolso e, nada mellor que, en equipo.
CONTINUARÁ...
OS DO PATIO
Recanto de xogo libre.
Xogos de mesa.
Xogo simbólico.
Recanto literario. Lecturas que continuan noutros momentos libremente...
Non hai nada máis bonito no noso centro que estes momentos compartidos
Recanto artístico.