Educación Infantil

Xa estamos de volta por estes lares. Así que ahí vai unha pequena listaxe de ideas para facer ó longo desta semana.

PROPOSTA 1:

Vamos a retomar a idea das receitas de cociña, tan extendidas nesta época polas redes. A idea é a seguinte:

1. Consensuades unha receita entre toda a familia, e digo negociades, porque os pequenos e pequenas deben facer a maior parte da mesma, así que non pode ser moi complexa. Igualmente, priorizamos as comidas máis saúdables.

2. Apuntamos a receita nun folio (que o fagan os nenos e nenas, senón saben escribir, poden copiar).

3. Escribimos unha lista da compra, o cal supón saber se temos algún ingrediente na casa, se a cantidade que temos chega, se necesitamos algo máis...(sobra dicir, que tamén poden facelo eles coa vosa axuda).

4. Facemos unha estimación do que pode costarnos (axudade ós pequenos e pequenas a redondear os prezos). Canto necesitamos para pagar? Cantas moedas son? Cantos billetes?

5. Elaboramos a receita. Parece fácil pero debemos lembrar os ingredientes, pesalos, seguir os pasos detalladamente...

6. Sacamos fotos e pasámosllas a profe para que morra da envexa .

7. A comer!!!!

PROPOSTA 2:

Decoramos unha maceta. Como escoitades!!! Con materiais de refugallo ou simplemente con pinturas. Que voen esas imaxinacións!!! Velaquí tedes algunhas ideas:

E xa se plantades algo e colaboran no seu coidado, sería xenial!!!!

PROPOSTA 3:

Deixovos cun vídeo que empregamos na aula para o recoñecemento dos sons de cada letra. Como vedes, cada un ten asociado un xesto que tamén realizamos cando se nos complica un pouco recoñecer o fonema simplemente co seu son.

Podedes empregar os sons e os xestos para escribir algunhas palabras cos pequenos/as. Respetade os posibles erros que podan cometer, axudándoos no seu avance e corrección pero sen presas, son etapas da lecto-escritura e deben pasar por todas. Isto é como camiñar, a ninguén se lle ocorrería soltar a un bebé das mans se sabe que vai caer e é un proceso que dura moitos meses. Pouco a pouco, non hai prisa, todos chegan ó mesmo punto antes ou despois, o importante é que cheguemos ben fortes e motivados para continuar.

Probade a escribir nomes de bichos, por exemplo. E falando deles, deixovos tamén uns vídeos que víamos na aula sobre o tema, se a cousa segue alongándose así, retomaremos o tema do proxecto nas vosas casas, que vos parece?

Para calquera dúbida, ou para enviarme cousiñas que vaiades facendo, podedes poñervos en contacto directo conmigo en lidiacasalprieto@gmail.com ou lidiacasal@edu.xunta.es. Encantaríame ir recibindo noticias vosas e das vosas actividades, así podemos ir compartindo por aquí os traballos de todos e todas vós. Será como continuar xuntos !!!!

ANÍMADEVOS!!!!