Outro Xoves máis, e un día de experimentos para a nosa bagaxe persoal. Así, na nosa segunda sesión máis científica, realizamos unha investigación desas que nos leva moito tempo. Por isto, e aproveitando a grande cantidade de elementos de outono que temos na aula, utilizamos uns materiais que trouxeron dous dos nosos pequenos. Ó principio non tiñamos nin idea de que era esa "cousa verde", pero pronto....PUXÉMOSLLE NOME.
Porén, qué agocharían dentro? Así que....MANS A OBRA!!!!
Unha vez con todas as fabas fora, qué faríamos con elas?
Pois investigar, cómo non!!
Así que, contamos as fabas que tiñamos, como as íamos a repartir entre nove, canto medían si as colocabamos en fila (aquí é donde apareceu a cinta métrica nas nosas mesas ), localizamos os diferentes números que estabamos traballando...
Finalmente, decidimos "plantar" as fabas en vasos e situalas estratéxicamente de forma que unha tivese unha fonte directa de luz, outra na escuridade absoluta e unha terceira entre a luz e a penumbra. Investigamos sobre os coidados das plantas e sobre as necesidades de luz e agua que teñen.
Nesta liña, e como xa recordaredes, é un experimento similar ó que fixemos o ano pasado coas lentellas, pasará o mesmo?
Agora...tan só nos queda... esperar a ver que pasa
Se nos saen ben as plantacións, temos pensado levar unhas landras para casa e plantalas en diferentes lugares, xa que íntimamente vinculado a este experimento límos o conto de "Xaime e as landras" e agora nós....TAMÉN QUEREMOS UN CARBALLO!!!